इंदौर : सध्या देशभरात लोकसभा निवडणुकीची रणधुमाळी सुरु आहे. या धामधुमीतच अनेक नेत्यांची पक्षांतरेही होत आहेत. इंदौरमधील (Indore lok sabha 2024) काँग्रेसचे उमेदवार अक्षय कांती बाम (Akshay Kanti Bam) यांनी देखील शेवटच्या क्षणी काँग्रेसला धक्का दिला. त्यांनी उमेदवारी मागे घेतली आणि भारतीय जनता पक्षात प्रवेश केला. त्यामुळे इंदौरमध्ये भाजपाची लढाई सोपी झाली आहे. मात्र, यानंतर आता काँग्रेसकडे उमेदवार न राहिल्यामुळे ते इंदौरमध्ये ‘नोटा’ला (NOTA) मत द्या, असा प्रचार करत आहेत. यावर भाजपा प्रवक्ते आलोक दुबे (Alok Dubey) यांनी जोरदार टीका केली.
इंदौर लोकसभा मतदारसंघामध्ये चौथ्या टप्प्यात १३ मे रोजी मतदान होणार आहे. त्यासाठी काँग्रेसने एकप्रकारे ‘नोटा’साठी प्रचार सुरु केला आहे. ठिकठिकाणी छोटी आंदोलनं, बैठका, कँडल मार्च आणि सोशल मीडियाच्या माध्यमातून लोकांनी नोटाला मतदान करावं यासाठी काँग्रेसने जोर लावला आहे. तर दुसरीकडे, इंदौरमध्ये भाजपसमोर कोणाचे आव्हान नाही. भाजपचे विद्यमान खासदार आणि यावेळीही तिकीट मिळालेले शंकर ललवानी यांच्याविरोधात १३ अपक्ष उमेदवार रिंगणात आहेत. असे असले तरी इंदौरमध्ये निवडणूक एकतर्फीच होण्याची दाट शक्यता आहे. पण, काँग्रेसने निषेध म्हणून लोकांना नोटाला मत देण्याचे आवाहन केले आहे.
या पार्श्भूमीवर भाजपचे प्रवक्ते अलोक दुबे म्हणाले की, ”भाजपचा विजय होईल यात कसलीच शंका नाही.पण, काँग्रेस नोटाला समर्थन देऊन नकारात्मक राजकारण करत आहे. लोकशाहीवरील हा हल्ला आहे”, अशी टीका त्यांनी केली आहे.
भारतीय क्रिकेट इतिहासामधील महत्त्वाचे पान म्हणून ओळखल्या जाणाऱ्या रोहित शर्माने कसोटी क्रिकेटमधून तडकाफडकी निवृत्ती घेतली.…
युद्धजन्य सावट: नागरिकांनी खालील बाबी तात्काळ अमलात आणाव्यात! भारत-पाकिस्तान दरम्यान पुन्हा एकदा संघर्ष पेटलेला आहे.…
उमेश कुलकर्णी भारतात आणि जगातही असे अनेक खेळाडू होऊ गेले की ज्यांची कहाणी प्रेरणादायक तर…
सैन्याच्या तिन्ही दलाकडून चौफेर हल्लाबोल! इस्लामाबाद थरथरला! कराची पोर्ट उद्ध्वस्त... पाकिस्तान घाबरला, संपूर्ण देशात ब्लॅक…
मधुसूदन जोशी : मुंबई ग्राहक पंचायत महेश आपल्या कुटुंबाला घेऊन दिल्लीच्या एका हॉटेलमध्ये गेला. बऱ्याच…
नवी दिल्ली: पाकिस्तानविरुद्ध भारतीय लष्कराच्या कारवाईला आता अमेरिकेचे समर्थन मिळाले आहे. संयुक्त राष्ट्र अमेरिका म्हणजेच…