भारत देश माती जतन संवर्धन करण्यासाठी शासन प्रशासन पातळीवर माती गोळा करून मेरी माटी मेरा देश अभियान सुरु आहे. नाशिक महापालिका क्षेत्रात मात्र विकासाच्या नावाखाली स्थानिक प्रशासनाच्या वतीने मोठ्या प्रमाणावर सिमेंट काँक्रिटचे रस्ते, मोकळ्या जागेत काँक्रीटीकरण केले जात असून झाडाच्या बुंद्याला काँक्रिटचा फास आवळला जात आहे. प्रशासनाच्या या भूमिकेचा विरोध करून नाशिकमधील पर्यावरण प्रेमी संस्थानी वृक्षांसाठी अत्यावश्यक माती वाचविण्याचे अनोखे अभियान महापालिकेच्या माध्यमातून हाती घेतले आहे.
जिल्हा न्यायालय नाशिक व राष्ट्रीय हरित लवादाच्या आदेशानुसार झाडांभोवती १ मीटर साधारण ३ फुटांपर्यंत काँक्रिटीकरण न करण्याचे आदेश प्रशासनास दिलेले असतांना शहरात अनेक वृक्षांभोवती सर्रास काँक्रिटीकरण झाले आहे. झाडांभोवतीचा कॉंक्रिटचा फास सोडविण्यासाठी पर्यावरणप्रेमींनी आज महापालिका अधिकाऱ्यांची भेट घेतली. महापालिका राबवित असलेल्या “मेरी माटी मेरा देश” अभियान अंतर्गत सुरवात म्हणून पालिकेच्या ताब्यातील उद्यान, मोकळे भूखंडातील वृक्षांभोवतीचे कॉंक्रिट त्वरित काढण्याबाबतचे निवेदन उपस्थित महापालिका प्रशासन उपायुक्त लक्ष्मीकांत सातारकर यांना निशिकांत पगारे, मनीष बाविस्कर, योगेश बर्वे, सुनिल परदेशी, यशवंत लाकडे व निहाल पाटील यांनी दिले. वृक्षांभोवतीचे काँक्रिटीकरण काढून मेरी माटी मेरा देश अभियानात सहभागी होण्याची पालिकेला नामी संधी असून पर्यावरण झाडांभोवतीचे काँक्रिटीकरण लक्षात आणून देण्यासाठी नागरिकांनी पालिकेच्या NMC econnect app वर संपर्क करण्याचे आवाहन नागरिकांना केले आहे.
माती वाचविण्यासाठी शासन व प्रशासन मोठ मोठे उपक्रम राबवित आहे. नाशिकमध्ये विकासाच्या नावाखाली स्थानिक प्रशासनाच्या वतीने मोठ्या प्रमाणावर सिमेंट काँक्रिटचे रस्ते, मोकळ्या जागेत काँक्रीटीकरण केले जात आहे तसेच झाडांच्या बुंध्याना काँक्रीटीकरण करून झाडांची व मातीची (जमिनीची) हानी केली जात आहे, हे दुर्दैव आहे.
मुंबई: ऑपरेशन सिंदूर नंतर भारत पाकिस्तानदारम्यान वाढलेल्या तणावाने आता युद्धाचे स्वरूप धारण केले आहे. याच…
पाकिस्तानचे मनसुबे सुरक्षा यंत्रणांनी धुळीस मिळवले पहलगाम हल्ल्याचा बदला भारताने घेतल्यानंतर पाकिस्तान बिथरलं. सर्वच स्तरावरून…
नवी दिल्ली : भारताकडे पेट्रोल, डिझेल, सीएनजी, पीएनजी यांच्यासह आवश्यक त्या सर्व प्रकारच्या इंधन तेलाचा…
नवी दिल्ली : भारत - पाकिस्तान दरम्यान वाढत असलेल्या तणावाच्या पार्श्वभूमीवर आयपीएल २०२५ स्पर्धा अनिश्चित…
मुंबई: आजची सकाळ मध्य रेल्वेने प्रवास करणाऱ्या तमाम चाकरमान्यांसाठी त्रासदायक ठरली. ट्रान्स-हार्बर लाईन आणि मेन…
चंदिगड : भारत आणि पाकिस्तान यांच्यात लढाई सुरू आहे. या पार्श्वभूमीवर शुक्रवार ९ मे रोजी…