फेअरनेस क्रीम वापरताय मग किडनी सांभाळा! पाहा त्या मुलीचे काय झाले?

मुंबई: अकोला येथील बायोटेक्नॉलॉजीचा अभ्यास करणाऱ्या एका २० वर्षीय तरुणीला तिचा रंग गोरा करण्याचा हट्ट चांगलाच महागात पडला. त्यासाठी ती फेअरनेस क्रिम लावू लागली. तिच्या घरच्यांना तीचा रंग उजळल्याचे दिसू त्यामुळे तेही ती क्रीम वापरु लागले. पण हळूहळू त्यांना अनेक आरोग्याच्या अनेक समस्या जाणवू लागल्या.

अचानक आलेल्या अशक्तपणामुळे त्या तरुणीला रुग्णालयात दाखल करण्यात आले. २०२२ च्या सुरूवातीच्या चार महिन्यात तिची किडनी डॅमेज झाल्याचे निदान झाले. मात्र, किडनी का डॅमेज झाली याचा शोध घेतला असता अत्यंत धक्कादायक बाब समोर आली.

त्याच्या किडनीच्या समस्येचे निदान करणाऱ्या डॉक्टरांना धक्काच बसला. याप्रकरणी केईएममधील नेफ्रोलॉजी विभागाचे प्रमुख डॉ. तुकाराम जमाले आणि अकोल्यातील डॉ. अमर सुलतान यांनी त्यावर काम सुरू केले. एका गोष्टीने त्याचे लक्ष वेधले, ते म्हणजे मेकअप किटचा वापर.

केईएमच्या आयुर्वेद प्रयोगशाळेत फेअरनेस क्रीमसह विविध वस्तूंची चाचणी घेण्यात आली. त्यानंतर डॉ जमाले यांनी निदर्शनास आले की स्किन क्रीममध्ये पारा या शरीरारासाठी अत्यंत धोकादायक असणाऱ्या धातूची पातळी प्रमाणापेक्षा अधिक होती. त्या क्रिममध्ये हे प्रमाण ४६ इतके आढळले, जे ७ पेक्षाही कमी असणे गरेजेचे असते. पारा या घातक धातूचा त्या मुलीसमवेतच तिची आई आणि बहीण हिच्याही किडनीवर परीणाम झाल्याचे उघडकीस आले आहे. तरुणीची आई व बहिण आजारातून बऱ्या झाल्या असल्या तरी ती अजूनही बरी झालेली नाही. २०१४ मध्ये दिल्लीच्या एका विद्यार्थीनीच्या स्किन क्रिममध्येही हा धातू धोकादायक पातळीत आढळला होता.