आज जागतिक कर्करोग दिन. दरवर्षी ४ फेब्रुवारी रोजी हा कर्गरोग या आजाराबद्दल जन जागृती करण्यासाठी दिवस साजरा केला जातो. दरवर्षी कर्करोगाने होणारे लाखो मृत्यू रोखण्यासाठी लोकांना कर्करोगाबद्दल शिक्षित करणे गरजेचे आहे.
कर्करोगापासून बचाव करण्यासाठी तुम्ही जीवनशैलीत सकारात्मक बदल करणे गरजेचे आहे. अनुवांशिक कारणांमुळे झालेला कर्करोग टाळण्यासाठी तज्ज्ञ डॉक्टर योग्य ते मार्गदर्शन करु शकतात. पण काही सवयी टाळून आपण स्वत:चा कर्करोगापासून बचाव करु शकतो.
धूम्रपान
धुम्रपानामुळे फुफ्फुसांवर वाईट परिणाम होतो. तसेच इतरही अनेक घातक रोगांचा धोका वाढतो. त्यामुळे त्वरित धूम्रपान बंद केल्यासकर्करोग होण्याचा धोका कमी होतो.
शारीरिक हालचालींचा अभाव
आठवड्यातून पाच दिवस दररोज किमान ३० मिनिटे व्यायाम केल्याने कर्करोग होण्याची शक्यता लक्षणीयरीत्या कमी होते. असे दिसून आले आहे की आठवड्यातून काही दिवस बागकाम केल्याने फुफ्फुसाचा आणि इतर कर्करोग होण्याचा धोका कमी होतो.
लठ्ठपणा
कर्करोगाचे मुख्य कारण म्हणजे लठ्ठपणा. लठ्ठपणामुळे स्तनाचा कर्करोग, गुदाशय आणि आतड्यांचा कर्करोग, एंडोमेट्रियल कर्करोग, अन्ननलिका कर्करोग, स्वादुपिंडाचा कर्करोग आणि मूत्रपिंडाचा कर्करोग हे काही कर्करोग आहेत ज्यांचा धोका वाढतो. अतिरिक्त चरबीच्या पेशी अधिक इस्ट्रोजेन आणि इन्सुलिनवर परीणाम करतात. ज्यामुळे कर्करोगाचा धोका वाढतो.
चूकीचा आहार
कर्करोगाचा धोका कमी करण्यासाठी आदर्श आहार म्हणजे भाज्या, फळे, धान्य आणि मटार आणि बीन्समधील प्रथिने यावर भर दिला पाहिजे. प्रक्रिया केलेले मांस, साखरयुक्त पेये यांचे सेवन कमी प्रमाणात करणेच योग्य आहे.
जास्त सूर्यप्रकाश
जास्त प्रमाणात सूर्यप्रकाशामुळे त्वचेचा कर्करोग होऊ शकतो. सूर्यप्रकाशामुळे त्वचेचे नुकसान होते ज्यामुळे सनबर्न किंवा टॅन देखील होते. यासाठी दुपारच्या उन्हात बसणे टाळा, छत्री वापरा, सनस्क्रीन वापरा तसेच डोळ्यांच्या संरक्षणासाठी सनग्लासेस वापरा
जास्त मद्यपान
कोलनच्या कर्करोगास कारणीभूत अल्कोहोलमुळे मद्यपान टाळण्याचा सल्ला डॉक्टर नेहमीच देतात. त्यामुळे कर्करोगाचा धोका कमी करण्यासाठी तुमच्या जीवनशैलीत आवश्यक बदल करणे हे केव्हाही चांगलेच.
(वरील दिलेली बातमी ही सामान्य माहितीच्या आधारे दिलेली आहे. आम्ही याची पुष्टी करत नाही. कोणतीही गोष्ट करण्यापुर्वी वैद्यकीय तज्ज्ञाचा सल्ला घेणे आवश्यक आहे.)
भारतीय क्रिकेट इतिहासामधील महत्त्वाचे पान म्हणून ओळखल्या जाणाऱ्या रोहित शर्माने कसोटी क्रिकेटमधून तडकाफडकी निवृत्ती घेतली.…
युद्धजन्य सावट: नागरिकांनी खालील बाबी तात्काळ अमलात आणाव्यात! भारत-पाकिस्तान दरम्यान पुन्हा एकदा संघर्ष पेटलेला आहे.…
उमेश कुलकर्णी भारतात आणि जगातही असे अनेक खेळाडू होऊ गेले की ज्यांची कहाणी प्रेरणादायक तर…
सैन्याच्या तिन्ही दलाकडून चौफेर हल्लाबोल! इस्लामाबाद थरथरला! कराची पोर्ट उद्ध्वस्त... पाकिस्तान घाबरला, संपूर्ण देशात ब्लॅक…
मधुसूदन जोशी : मुंबई ग्राहक पंचायत महेश आपल्या कुटुंबाला घेऊन दिल्लीच्या एका हॉटेलमध्ये गेला. बऱ्याच…
नवी दिल्ली: पाकिस्तानविरुद्ध भारतीय लष्कराच्या कारवाईला आता अमेरिकेचे समर्थन मिळाले आहे. संयुक्त राष्ट्र अमेरिका म्हणजेच…