मुंबई : लोकसभेतील पंतप्रधानांच्या भाषणावर बहिष्कार टाकणाऱ्या शिवसेनेच्या (ShivSena) पाच खासदारांवर कारवाई होणार असल्याची माहिती शिवसेना नेते खासदार राहुल शेवाळे (Rahul Shewale) यांनी दिली.
विरोधी पक्षांकडून लोकसभेत अविश्वास ठराव मांडण्यात आला होता. त्याला पंतप्प्रधान नरेंद्र मोदी यांनी आपल्या भाषणाद्वारे उत्तर दिले. या अविश्वास ठरावाच्या मतदानादरम्यान शिवसेनेच्या खासदारांना व्हीप बजावण्यात आला होता. मात्र यावेळी ठाकरे गटाचे ५ खासदार अनुपस्थित होते त्यामुळे त्यांच्यावर कारवाई होणार आहे.
शेवाळे यांनी खुलासा केला की, ‘पक्षाने केंद्र सरकारच्या बाजूने मतदान करण्यासाठी व्हिप जारी केला होता. मात्र, त्यावेळी पाच खासदार गैरहजर होते. त्यामुळे त्यांच्याविरुद्ध योग्य ती कारवाई केली जाईल.’ याबाबत कायदेतज्ज्ञांशी चर्चा केली जाईल आणि सोमवारी संबंधित खासदारांना औपचारिक नोटिस पाठवल्या जातील, असेही शेवाळे यांनी सांगितले.
त्यांनी सांगितले की, पक्ष लोकसभेत एकसंध अस्तित्व म्हणून काम करत आहे. त्यामुळे भावना गवळी यांनी प्रसारित केलेला व्हीप शिवसेना पक्षाच्या सदस्यांनी मानने गरजेचे आहे. गुरुवारी अविश्वास ठरावावर मतदानावेळी विरोधकांनी सभात्याग केला होता. यावेळी ठाकरे गटाच्या खासदारांनी देखील वॉक आउट केले होते. त्यामुळे त्यांच्यावर कायदेशीर कारवाई होणार आहे.
दरम्यान, शिंदे गट कमळ चिन्हावर निवडणूक लढवणार अशी चर्चा राजकीय वर्तुळात सुरु आहे. याबाबत माध्यमांनी वृत्तही दिले होते. याबाबत शेवाळे यांना विचारले असता त्यांनी, अशी कुठलीही चर्चा नाही. अजून निवडणुका जाहीर झालेल्या नाहीत. त्यामुळे यावर चर्चा होण्याचा प्रश्न नाही, असे राहुल शेवाळे यांनी स्पष्ट केले.
स्पाईसजेट कंपनीने घेतला 'हा' मोठा निर्णय नवी दिल्ली : काही महिन्यांपूर्वी स्पाईसजेटने (Spicejet) दिल्ली, मुंबई,…
निधी न मिळाल्याने दुरुस्तीचे काम अपूर्ण राहिल्याची माहिती कल्याण : राज्यात मान्सूनचे (Monsoon) आगमन झाले…
कसं असणार वेळापत्रक? विदर्भ ते मराठवाडा (Vidarbha to Marathwada) प्रवास करणार्‍यांसाठी एक खुशखबर आहे. विदर्भ…
शिवरायांच्या कारकिर्दीसह नव्या पैलूंचा उलगडा होणार पॅरीस : फ्रान्समध्ये छत्रपती शिवाजी महाराज यांची जुनी, अप्रकाशित…
यम्मो कंपनीने घडल्या प्रकारावर दिली प्रतिक्रिया मुंबई : मुंबईच्या मालाडमधून (Mumbai crime) ऑनलाईन ऑर्डरप्रकरणी (Online…
प्रशासनाच्या कामाबाबत वारकऱ्यांचा असंतोष सोलापूर : आषाढी एकादशीनिमनित्त संत ज्ञानेश्वर आणि संत तुकाराम महाराज पालखी…