मुंबई: एकेकाळी दबंग पोलीस अधिकाऱ्याची भूमिका करुन गुंडांना सळो की पळो करुन सोडणाऱ्या सलमान खानच्याच सुरक्षेची चिंता आता मुंबई पोलिसांना सतावते आहे. गँगस्टर लॉरेन्स बिश्नोई याने दिलेल्या खळबळजनक धमकीनंतर पोलीस सलमान खानची सुरक्षा व्यवस्था वाढवण्याच्या विचारात आहेत.
गँगस्टर लॉरेंस बिश्नोई याने काल एका वृत्तवाहिनीला मुलाखत दिली होती. या मुलाखतीमध्ये त्याने सलमान खानला धमकी दिली आहे. आम्ही त्याचा अहंकार तोडल्याशिवाय राहणार नाही. त्याने परिणाम भोगण्यासाठी तयार रहावे, असे तो म्हणाला आहे. या मुलाखतीनंतर मुंबई पोलिस अलर्ट झाले असून त्यांनी सलमान खानच्या सुरक्षेचा आढावा घेतला आहे.
लॉरेंस बिश्नोई म्हणाला, माझ्या मनात सलमान खान बद्दल लहाणपणापासून राग आहे. त्याने काळवीटाची हत्या केल्याने आमचा समाज नाराज आहे. याबाबत सलमान खान याने आत्तापर्यंत आमच्या समाजाची माफी मागितलेली नाही. त्याने आमच्या देवाच्या मंदिरात येऊन सर्वांसमोर येऊन माफी मागावी अन्यथा त्याला जशास तसे उत्तर दिले जाईल. तसेच त्याने आमच्या समाजातील लोकांना पैसे देखील देऊ केले होते. त्यामुळे सलमान खानला मारणे हे आमचे ध्येय आहे, असेही बिश्नोई याने मुलाखतीत म्हटले आहे.
दरम्यान, लॉरेंस बिश्नोईने याआधी देखील सलमान खानला मारण्याची धमकी दिलेली होती. त्यात हा प्रकार पुन्हा घडल्यामुळे पोलिसांनी सलमान खानच्या सुरक्षेचा पुन्हा एकदा आढावा घेतला. सलमानला सध्या व्हाय कॅटेगिरीची सुरक्षा दिली आहे. ती वाढवून झेड किंवा एक्स कॅटेगिरीची सुरक्षा देण्यात यावी का? याबाबत पोलिस विचार करत आहेत.
Onion Export: केंद्रीय वाणिज्य आणि उद्योग मंत्रालयाने कांद्याच्या निर्यात धोरणात 'निषिद्ध' वरून 'मोफत' मध्ये सुधारणा…
पुणे : लोकसभा निवडणुकीमध्ये (Lok Sabha Elections 2024) पुण्यातील मतदारसंघांत ७ मे आणि १३ मे…
काँग्रेस आणि तिची जातीय वर्चस्ववादी वृत्ती खाली आणा आधी आघाडीची बोलणी झालेल्या काँग्रेसविषयी प्रकाश आंबेडकर…
देवेंद्र फडणवीस यांनी फिल्मी स्टाईल मानले अमिताभ यांचे आभार मुंबई : बहुचर्चित असलेल्या मुंबई कोस्टल…
पंचांग आज मिती चैत्र कृष्ण एकादशी शके १९४६. चंद्र नक्षत्र पूर्वा भाद्रपदा. योग ऐद्र. भारतीय…
देशाचे पंतप्रधान नरेंद्र मोदी यांनी देशातील सार्वत्रिक लोकसभा निवडणुकीच्या माध्यमातून भाजपा व भाजपाच्या मित्रपक्षाच्या उमेदवारांचा…