मुंबई : मराठी चित्रपटसृष्टीत (Marathi film industry) सध्या दर्जेदार कलाकारांच्या अभिनयाने सजलेल्या चित्रपटांची रांगच लागली आहे. एकाच दिवशी दोन ते तीन चित्रपट प्रदर्शनाच्या तयारीत आहेत. यात आणखी एक नवा चित्रपट म्हणजे नाना पाटेकरांना (Nana Patekar) पुन्हा एकदा कॉमेडी (Comedy) रुपात प्रेक्षकांसमोर आणणारा ‘ओले आले’. हा चित्रपट येत्या वर्षात ५ जानेवारीला प्रेक्षकांच्या भेटीला येणार आहे. ‘ओले आले’चा भन्नाट टीझर आऊट (Teaser Out) झाला आहे. नुकतंच ‘झिम्मा २’ या चित्रपटातून धुमाकूळ घालत असलेले सिद्धार्थ चांदेकर (Siddharth Chandekar) आणि सायली संजीव (Sayali Sanjeev) देखील या चित्रपटात मुख्य भूमिकेत दिसणार आहेत.
‘एक अशा प्रवासाची गोष्ट, ज्याने शिकवले जीवन जगण्याचे सूत्र! ओले आले’ असं कॅप्शन देत काही दिवसांपूर्वी नाना पाटेकरांच्या नवीन मराठी सिनेमाची घोषणा करण्यात आली होती. ‘ओले आले’चं दिग्दर्शन विपुल महेता यांनी केलं आहे, तर रश्मिन मजीठिया यांनी या सिनेमाची निर्मिती केली आहे. सचिन-जिगर यांनी या चित्रपटाच्या संगीताची जबाबदारी सांभाळली आहे.
एका धमाल विनोदी बापाची कहाणी या चित्रपटात दाखवण्यात आली आहे. यात सुरुवातीला आपल्याला नाना पाटेकर पाठमोरे योगा करताना दिसतात. मागून सिद्धार्थ चांदेकरच्या पात्राचा आवाज आपल्याला ऐकू येतो. तो म्हणतो, जनरली बाप कसा असतो? वक्तशीर, सगळं अगदी कसं एकदम टाईम टू टाईम. कर्तव्यनिष्ठ म्हणजे रिस्पॉन्सिबल. जबाबदार – रुबाबदार. कायम खंबीर पण सतत गंभीर. पण माझा… असं म्हणताच नाना पाटेकर यांचा धम्माल अंदाज पाहायला मिळतो.
नाना पाटेकर नाचताना, मजेत आयुष्य जगताना दिसतात. अगदी लहान मुलासारखे नाना खोडकरपणाही करतात. सोबतच मकरंद अनासपुरेंची देखील एक झलक यात पाहायला मिळते. ‘चला फिरुया, हसूया, जगूया’ असं या सिनेमाच्या पोस्टरवर लिहिलं आहे. सोबतच ऐकू येणारं ओले आलेचं थीम गाणंही कमाल झालं आहे. या टीझरमधून हा सिनेमा प्रेक्षकांना खळखळून हसवणार याची प्रचिती येते.
जाणून घ्या प्रवेशपत्र डाऊनलोड करण्याची संपूर्ण प्रक्रिया चेन्नई : JEE Advanced 2024 म्हणजेच, संयुक्त प्रवेश…
'या' जिल्ह्यांना यलो अलर्ट मुंबई : राज्यात अनेक ठिकाणी अवकाळी पावसाने (Unseasonal Rain) हजेरी लावली…
कधी जाहीर होणार निकाल? मुंबई : केंद्रीय माध्यमिक परीक्षा मंडळ म्हणजेच CBSE बोर्डाच्या दहावी आणि…
जाणून घ्या नेमकं कसं उजळलं कर्मचाऱ्यांचं नशीब सिंगापूर : साधारणत: कंपन्यांकडून सणासुदीला किंवा नवीन वर्षाच्या…
नवी दिल्ली : लोकसभा निवडणुकीमध्ये (Loksabha Election) प्रत्येक राजकीय पक्ष आपल्या विजयासाठी जोरदार तयारी करत…
सोनिया सेनेची गुलामी करण्यासाठी उद्धव ठाकरेंनी भगव्याचा अवमान केला चंद्रशेखर बावनकुळे यांचा घणाघात मुंबई :…