जागतिक पॉवरलिफ्टिंग स्पर्धेत निखिल भगतला तीन सुवर्ण

ठाणे (प्रतिनिधी) : अमेरिकेतील इल्लिनॉईस येथे झालेल्या एडब्लूपीसी २०२१ जागतिक स्तरावरील पॉवरलिफ्टिंग स्पर्धेत भारताचे प्रतिनिधित्व करताना ठाण्याचा ३० वर्षीय पॉवरलिफ्टर निखिल हेमंत भगतने सलग दुसऱ्या वर्षी (२०२०-२०२१) तीन सुवर्णपदकांची कमाई केली.

७५ किलो वजनी गटात निखिल भगतने स्कॉटमध्ये १९०, बेंचप्रेसमध्ये ११० तसेच डेडलिफ्टमध्ये २०० असे एकूण ५०० किलो वजन उचलताना तिन्ही पदकांवर नाव कोरले. गतवर्षी, तिन्ही प्रकारात निखिलने अनुक्रमे १७५, १०५ आणि १९० किलो असे एकूण ४७० किलो वजन उचलले होते. यंदा त्याने त्याने स्वतःचेच विक्रम मोडीत काढले. माझ्या यशात विद्यमान प्रशिक्षक व्हिन्सेंट फालझेट्टा व जागतिक पॉवरलिफ्टिंग काँग्रेसच्या भारत शाखेचे अध्यक्ष दलजीत सिंग यांचे मौलिक मार्गदर्शन महत्त्वपूर्ण ठरले. तिन्ही गटात सलग दुसऱ्या वर्षी तिरंगा फडकत ठेवला. याचा एक भारतीय म्हणून मला सार्थ अभिमान वाटतो, असे निखिलने म्हटले.