एलफिन्स्टन स्थानकाच्या पूलावर झालेल्या चेंगराचेंगरीच्या दुर्घटनेनंतर रेल्वे स्थानकांचे सुरक्षा ऑडिट करण्याची घोषणा रेल्वे प्रशासनाने केली होती.
मुंबई- एलफिन्स्टन स्थानकाच्या पूलावर झालेल्या चेंगराचेंगरीच्या दुर्घटनेनंतर रेल्वे स्थानकांचे सुरक्षा ऑडिट करण्याची घोषणा रेल्वे प्रशासनाने केली होती. मुंबईतील १०० रेल्वे स्थानकांचे सुरक्षा स्थानकांचे ऑडिट करण्यात येणार असून एका पथकाने आज दिवा रेल्वे स्थानकाची पाहणी केली.
या पाहणीच्या वेळी मध्य रेल्वेचे वरिष्ठ अधिकारी, लोहमार्ग पोलीस अधिकारी, रेल्वे सुरक्षा दलाचे अधिकारी, ठाणे महापालिकेचे वरिष्ठ अधिकारी उपस्थित होते. दिवा स्थानकातही प्रवाशांची मोठी वर्दळ असते.
कोकणात जाणा-या गाड्यांना थांबा असल्यामुळे कोकणातील प्रवाशांची गर्दी असतेच शिवाय दिवा-वसई मार्गादरम्यानच्या प्रवाशांची गर्दी असते. त्याशिवाय मागील काही वर्षात दिवा स्थानकातून प्रवास करणा-या प्रवाशांची संख्या मोठय़ा प्रमाणावर वाढली आहे. काही वर्षेआधी प्रवाशांनी केलेल्या आंदोलनाला हिंसक वळण लागले होते. आज रेल्वेच्या सुरक्षा ऑडिट पथकाने केलेल्या पाहणी दौ-यादरम्यान प्रवासी संघटनांच्यावतीने निवेदन सादर करण्यात आले.
दिवा पूर्वे बाजूला उतरणारा पादचारी पूलांची रुंदी वाढवण्याची मागणी करण्यात आली. त्याशिवाय प्लॅटफॉर्म क्रमांक १ व २ वर मुंबई दिशेने सरकते जिने बसवावे, गदीर्चे विभाजन करण्यासाठी कल्याण दिशेकडील पादचारी पूल तातडीने पूवेर्ला जोडावा, कल्याण व मुंबई दिशेकडील पादचारी पूल जोडणारा स्कायवॉक तयार करण्याची मागणी दिवा रेल्वे प्रवासी संघटनेचे अध्यक्ष आदेश भगत यांनी केली. कल्याण दिशेने असणा-या मंजूर केलेल्या तिस-या पादचारी पुलाचे काम त्वरीत करावे व आरोग्य केंद्र सुरु करण्याची मागणी प्रवाशांनी केली. रेल्वेच्या पथकाकडून होणा-या स्थानक पाहणीचा अहवाल रेल्वे बोर्डाला सादर करण्यात येणार आहे.
[EPSB]
एसएनडीटीतील पगार रखडले
मुंबई विद्यापीठाशी संलग्न कॉलेजांतील प्राध्यपकांच्या पगाराची समस्या ताजी असतानाच, आता मुंबईतील एसएनडीटी विद्यापीठातील प्राध्यापकांच्या पगाराचा प्रश्नही उजेडात आला आहे.
[/EPSB]