मुंबईतील वकील तरुणी पल्लवी पूरकायस्थच्या हत्या प्रकरणातील फरार मारेकरीच्या मुसक्या आवळण्यात पोलिसांना यश आले आहे. मुंबई क्राईम ब्रँचने श्रीनगरमध्ये कारवाई करुन दोषी सज्जाद मुगलला बेडय़ा ठोकल्या.
मुंबई- मुंबईतील वकील तरुणी पल्लवी पूरकायस्थच्या हत्या प्रकरणातील फरार मारेकरीच्या मुसक्या आवळण्यात पोलिसांना यश आले आहे. मुंबई क्राईम ब्रँचने श्रीनगरमध्ये कारवाई करुन दोषी सज्जाद मुगलला बेडय़ा ठोकल्या. जवळपास गेल्या दीड वर्षांपासून सज्जाद फरार होता. पोलीस आयुक्त दत्ता पडसलगीकर यांनी पत्रकार परिषद घेऊन पोलिसांचं अभिनंदन केले.
नाशिकच्या जेलमध्ये असताना फेब्रुवारी २०१६ मध्ये सज्जादला पॅरोल मिळाला होता. आईच्या आजारपणाचे कारण पुढे करुन सज्जादने पॅरोल मिळवला. स्थानिक पोलीस स्टेशनला हजेरी लावण्याची अट त्याला घालण्यात आली होती. त्याचा पॅरोल मार्चमध्ये संपणार होता, मात्र त्याने तो वाढवून घेतला. त्यानंतर सज्जाद परागंदा झाला. मेमध्येही तो परत न आल्याने पोलिसांनी तक्रार दाखल केली.
काश्मिरातील पाकिस्तानच्या सीमेजवळ उरीमध्ये सज्जादचे गाव आहे. वर्षभरापासून पोलिस सज्जादचा शोध घेत होते. अखेर जम्मू काश्मिर पोलिसांच्या सहकार्याने मंगळवारी श्रीनगर-लेह हायवेवर पोलिसांनी मुगलला अटक केली. २५ वर्षीय पल्लवी तिचा भावी जोडीदार अविक सेनगुप्तासोबत १६ व्या मजल्यावर राहत होती. ९ ऑगस्ट २०१२ रोजी पल्लवीला तिच्या इमारतीचा सुरक्षारक्षक सज्जाद मुगलने जीवे मारले होते. मुंबईतल्या वडाळ्यामधील तिच्या राहत्या घरी रात्रीच्या वेळीत घुसून पल्लवीवर अतिप्रसंग करण्याचा प्रयत्न त्याने केला. मात्र पल्लवीने केलेल्या विरोधामुळे त्याने तिची हत्या केली. २०१४ मध्ये सेशन्स कोर्टाने सज्जादला दोषी ठरवून जन्मठेपेची शिक्षा सुनावली. सज्जाद फरार झाल्यानंतर फडणवीसांनी बलात्कार आणि हत्या प्रकरणातील आरोपींना पॅरोल न देण्याची शिफारस केली. पॅरोलचे दिवस ९० वरुन ४६ वर आणण्यात आले.
[EPSB]
मध्य रेल्वेच्या कसारा मार्गावर पंजाब मेलचे इंजिन बंद पडल्याने ठप्प झालेली वाहतूक पूर्वपदावर आली आहे.
[/EPSB]