लिफ्टमध्ये शिरताना किंवा बाहेर पडताना काळजी घेतली नाही, तर काय घडू शकते याचे उदाहरण ठाण्यात समोर आले आहे.
ठाणे- लिफ्टमध्ये शिरताना किंवा बाहेर पडताना काळजी घेतली नाही, तर काय घडू शकते याचे उदाहरण ठाण्यात समोर आले आहे. लिफ्टच्या दरवाजात हात अडकून एका ८ वर्षाच्या मुलीला आपला हात कायमचा गमवावा लागल्याची घटना कासारवडवली येथे घडली आहे. अर्चना थळे असे या दुदैर्वी मुलीचे नाव आहे.
दोन दिवसांपूर्वी अर्चना शिकवणीसाठी गेली होती. त्यावेळी तळमजल्यावर पडलेले पेन घेण्यासाठी अर्चना लिफ्टने खाली गेली. परत आल्यानंतर अर्चनाची चप्पल लिफ्टमध्येच राहिली. ती घेण्यासाठी तिने लिफ्टमध्ये हात घातला. मात्र त्याचवेळी लिफ्टचा दरवाजा बंद झाला.
लिफ्टच्या दरवाजात हात अडकल्यामुळे अर्चनाचा हात कोपरापासून तुटला. तिला केईएम रुग्णालयात दाखल करण्यात आले. दरम्यान, लिफ्टमध्ये कर्मचारी नसल्यानेच हा अपघात झाल्याचा आरोप अर्चनाच्या कुटुंबीयांनी केला आहे.
[EPSB]
[/EPSB]