काही दिवसांपूर्वी कल्याणजवळ रेल्वे रुळावर एका मुलीचा आणि एका मुलाचा मृतदेह आढळला होता.
मुंबई- काही दिवसांपूर्वी कल्याणजवळ रेल्वे रुळावर एका मुलीचा आणि एका मुलाचा मृतदेह आढळला होता. या आत्महत्येचे गूढ उकलले असून धक्कादायक बाबी समोर आल्या आहेत. आत्महत्या केलेल्या मुलीने वसतिगृहातील आपल्या रूममेट्सचे नग्न छायाचित्र काढून प्रियकराला पाठवले होते. ही बाब उघड झाल्याने पोलिसी कारवाईपासून वाचण्यासाठी त्यांनी आत्महत्येचे पाऊल उचलले असल्याचे स्पष्ट झाले आहे.
आत्महत्या केलेल्या सुरेश शिंदे आणि वृषाली लांडे यांच्यात प्रेमप्रकरण सुरू होते. सुरेश शिंदे हा एका खासगी दवाखान्यात काम करत होता. तर, वृषाली सेंट जॉर्ज रुग्णालयात नसिर्ंगचे शिक्षण घेत होती. सुरेश शिंदेच्या सांगण्यावरुन वृषालीने रूममेट्स असणा-या दोन मुलींचे नग्न छायाचित्र काढून त्याला पाठवले. सुरेश व वृषालीमधील मेसेज संबंधित तरुणीने २१ सप्टेंबर रोजी वाचले.
त्यानंतर आपले नग्न फोटो वृषालीने पाठवले असल्याची धक्कादायक बाब त्यांना समजली. याचा जाब त्या दोघींनी वृषालीला विचारला. आपण हे सुरेशच्या सांगण्यावरून कृत्य केले असल्याची कबुली वृषालीने दिली होती. या दोघींनीही वृषालीकडे कबुली लिखित स्वरुपात मागितली आणि सुरेशसोबत संबंध तोडण्यास सांगितले.
मात्र, दोन दिवसानंतर वृषाली आणि सुरेश यांच्यात पुन्हा संवाद सुरू झाला. त्यामुळे पीडित मुलींनी पोलिसांमध्ये त्या प्रकरणाची तक्रार करण्याची धमकी दिली. त्यानंतर वृषाली वसतिगृहाच्या बाहेर पडली.