रायगड जिल्हय़ातील उरण शहर परिसरात काळा पाऊस बरसला. सुमारे अर्धा ते एक तासपर्यंत काळा पाऊस झाल्याने स्थानिकामध्ये भीतीचं वातावरण होतं.
उरण- रायगड जिल्हय़ातील उरण शहर परिसरात काळा पाऊस बरसला. सुमारे अर्धा ते एक तासपर्यंत काळा पाऊस झाल्याने स्थानिकामध्ये भीतीचं वातावरण होतं. पण काही जणांनी वाढत्या प्रदूषणामुळे अशा प्रकारचा पाऊस झाल्याचा दावा केला आहे. महिनाभरापूर्वीच नागोठणेत असाच पाऊस बरसला होता. त्यामुळे भातगळतीही सुरू झाली आहे.
शनिवारी सायंकाळच्या सुमारास उरण परिसरात जोरदार पावसाने हजेरी लावली. सुमारे अर्धा ते एक तास झालेला पाऊस हा स्थानिकांना अचंबित करणारा होता. कारण, यावेळी झालेला पाऊस हा चक्क काळ्या रंगाचा असल्याचे दिसून आले. यानंतर परिसरातील नागरिकांमध्ये एकच भीतीचं वातावरण होतं.
गेल्या दोन दिवसांपासून परिसरात काळ्या रंगाचा पाऊस बरसत आहे. त्यामुळे उरण येथील रहिवासी मात्र काहीसे चिंतातुर झाले आहेत. तसेच याचं नेमकं कारण शोधणं गरजेचे झालं आहे. दरम्यान, गेल्या काही दिवसांपासून संपूर्ण महाराष्ट्रात परतीच्या पावसाला सुरुवात झाली. त्यातच रायगड परतीच्या पावसासोबत विजांचा जोरदार गडगडाट सुरू आहे. शुक्रवारी दुपारी मुंबई आणि उरण दरम्यान झालेल्या जोरदार पावसावेळी बुचर बेटावरील तेलाच्या टाकीवर वीज कोसळली.
यानंतर या द्वीपावरील तेलाच्या टाकीला मोठी आग लागली. या आगीवर नियंत्रण मिळवण्यासाठी सुमारे तीन दिवसांपासून प्रयत्न सुरू होते. यामुळे, आकाशात मोठय़ा प्रमाणात धुराचे लोण पसरले होते. या धुरामुळेच हा काळा पाऊस झाला असल्याची शक्यता अनेकांनी व्यक्त केली आहे.
[EPSB]
पूजा हेगडे घेत आहे अॅक्शनचे धडे
[/EPSB]