भारतात भरपूर वैविध्यता आहे आणि बहुतांश भाग अद्याप उत्सुक प्रवाशांनीही पाहिलेला नाही. उत्तुंग पहाडांपासून ते सुरेख तळी आणि घनदाट अरण्यांपर्यंत अनेक ऑफ बीट ठिकाणे प्रवाशांची वाट पाहात आहेत.
ऑफ बीट मार्गाची ही पाच ठिकाणे
बैगुनी, सिक्कीम – बैगुनी हा सिक्कीमच्या पश्चिमेकडील सुंदर डोंगराळ भाग आहे. कांचनजुंगा येथे सूर्योदय पाहता येईल, येथे पक्षी आणि तळ्यांचे सौंदर्य न्याहाळता येईल. बैगुनीमध्ये निसर्गप्रेमींसाठी पर्वणीच आहे. येथे पॅराग्लायडिंग, रिव्हर राफ्टिंग, माउंटेन कँपिंग, व्हिलेज ट्रेकिंग यासारख्या अनेक गोष्टी येथील वास्तव्यात करता येतील.
बिनसर, उत्तराखंड – वन्यजीवप्रेमींसाठी बिनसर म्हणजे स्वर्गच. बिनसर हे वन्यजीवांचे घरच आहे. येथे हरणं, जंगली बोकड, उडत्या खारी आणि इतर अनेक दुर्मीळ प्राणी येथे राहतात. बिनसरमध्ये पंच्चुली, शिवलिंग, चौखांबा, त्रिशुल आणि नंदादेवी असा ३०० किमीचा पॅनोरॅमिक व्ह्यू आहे. येथे तुम्ही भटकंती, गावातील भटकंती, ट्रेकिंग आणि पक्षीनिरीक्षण आदी गोष्टी करता येतील.
पूवर, केरळ – नदीच्या रुंद मुखासह असलेले हे बेट आहे. पूवर म्हणजे केरळमधील त्रिवेंद्रम जिल्ह्यातील स्वर्गच आहे. पूवरला नेय्यरचा वेढा आहे. त्रिवेंद्रमजवळील अगस्तीयरकूदमचे मूळ आणि अरबी समुद्रचा शेवट अशा ठिकाणी पूवर वसलेले आहे. हिरवी नारळाची झाडे आणि सोनेरी वाळू यांनी नेय्यर नदीचा परिसर सुरेख दिसतो. येथील बॅकबॉटर क्रूज म्हणजे अप्रतिम सौंदर्याची खाणच होय.
मदिकेरी, कर्नाटक – कूर्ग (कोडागू) जिल्ह्यात मुख्यालय असलेले हे हिल स्टेशन आहे, मदिकेरी हे कर्नाटकातील सर्वात सुंदर ठिकाण आहे, डोंगररांगा, हिरवीगार शेतं, कॉफीची शेती आणि केशरी ऑर्चड म्हणजे पर्वणीच. येथील नदीचे खळाळते पाणी म्हणजे निसर्गदत्त देणगीच. एबी धबधबा, मंडालपट्टी, छेलावारा धबधबा, कोटेबेट्टा यासारखी खास सुंदर प्रेक्षणीय स्थळे येथे आहेत.
कुंभलगढ, राजस्थान – कुंभलगढपेक्षा अधिक चांगलं ते काय असू शकतं, महाराजांची रॉयल लाईफ पाहण्याची ही एक संधी आहे. राजस्थानातील राजसअमंद जिल्ह्यातील हे शहर म्हणजे वल्र्ड हेरिटेज साइट आहे. कुंभलगढ ही फोटोग्राफर्ससाठी आणि वन्यजीवप्रेमींसाठी उत्तम जागा आहे. कुंभलगढ किल्ला ३६ किमीचा आहे आणि राजस्थानातील सर्वात महत्त्वाचा व दुस-या क्रमांकावरील किल्ला आहे आणि ही जगातील सर्वात मोठी भिंत आहे. कुंभलगढ वन्यजीव सँक्च्युअरी, बादल महार, मम्मादेव मंदिर ही या शहरातील इतर आकर्षणस्थळे आहेत.
सध्याच्या एक्सप्लोअर्ड आणि अन्एक्सप्लोअर्डबद्दल महिंद्रा हॉलिडेज आणि रिसॉर्ट इंडिया लिमिटेड (एमएचआरआयएल)चे प्रमुख वितरण अधिकारी गिरिधर सिथाराम म्हणाले की, अनएक्सप्लोअर्ड ठिकाणी प्रवास करण्यात आज भारतीयांना स्वारस्य वाटू लागले आहे आणि ते वाढते आहे, यात त्यांचे पर्याय प्रायोगिक स्तरावरील आहेत. त्यांना अनोखा प्रवासाचा अनुभव मिळत असेल तर तो त्यांना हवा आहे. आम्ही क्लब महिंद्राने नेहमीच प्रत्येक कुटुंबाची सुट्टी विविध अनुभवांनी भरलेली राहील आणि नेहमीपेक्षा वेगळी राहील याची खात्री बाळगलेली आहे. भारतात अनेक ठिकाणी आमची मालमत्ता आहे, उत्तराखंडमधील बिनसर व्हॅली, केरळमधील पूवर येथील क्लब महिंद्रा, राजस्थानातील कुंभलगढ येथील क्लब महिंद्रा ही त्यापैकी काही उदाहरणे आहेत.