नवी दिल्ली : भालाफेक स्पर्धेत (Javelin Competition) भारताची मान उंचावणारा खेळाडू नीरज चोप्रा (Neeraj Chopra) याने पुन्हा एकदा यशस्वी कामगिरी केली आहे. पहिल्याच भालाफेकीत लांब पल्ला गाठत नीरजने जागतिक ॲथलेटिक्स चॅम्पियनशिप २०२३ (World Athletics Championship 2023) अंतिम फेरीत प्रवेश मिळवला आहे, तर पॅरिस ऑलिम्पिक स्पर्धेतही (Paris Olympic 2024) आपला प्रवेश निश्चित केला आहे.
नीरज चोप्राने जागतिक ॲथलेटिक्स चॅम्पियनशिप २०२३ स्पर्धेत पुरुषांच्या भालाफेक प्रकारातील पात्रता फेरीत पहिल्याच प्रयत्नात ८८.७७ मीटर लांब भाला फेकून अंतिम फेरीतील जागा पक्की केली. यासाठी ८३.०० मीटर हा पात्रता मार्क होता अन् नीरजने पहिल्याच प्रयत्नात सर्वात लांब भाला फेकला. तसेच पॅरिस ऑलिम्पिक स्पर्धेत प्रवेश मिळण्यासाठी आवश्यक असलेली पात्रता ८५.५० मीटर पूर्ण झाल्यामुळे नीरजचा २०२४ मध्ये ऑलिम्पिक स्पर्धेत प्रवेश निश्चित झाला आहे.
भारताच्या डी. पी. मनूने पहिल्या प्रयत्नात ७८.१० मीटर आणि दुसऱ्या प्रयत्नात ८१.३१ मीटर लांब भाला फेकला. जर्मनीचा ज्युलियन वेबर ८१.०५ मीटरसह टॉपर राहिला, तर गतविजेत्या पीटर अँडरसनला ७८.०२ मीटर लांब भाला फेकता आला. गेल्या वर्ल्ड ॲथलेटिक्स चॅम्पियशिपमध्ये पीटर अँडरसनने ९०.५४ मीटर भालाफेक करत सुवर्ण पदकावर कब्जा केला होता. त्यामुळे नीरज चोप्राला रौप्य पदकावर समाधान मानावे लागले होते. यावेळी नीरजला अँडरसन बरोबरच पाकिस्तानच्या अर्शद नदीमचे देखील कडवे आव्हान असणार आहे.
भारताला आतापर्यंत वर्ल्ड ॲथलेटिक्स चॅम्पियनशिपमध्ये सुवर्ण पदक जिंकता आलेले नाही. यापूर्वी अंजू बॉबी जॉर्जने २००३ मध्ये लांब उडीत कांस्य पदक पटकावले. त्यानंतर १९ वर्षांनी नीरज चोप्राने रौप्य पदक पटकावले. त्यामुळे नीरजसाठी ही एक सुवर्णसंधी आहे.
मतदारयादीत नाव नसल्याने मतदारांचा हिरमोड मुंबई : राज्यातील लोकसभा निवडणुकीच्या पाचव्या टप्प्यातील १३ मतदार संघात…
मुंबई: अंबाती रायडू(ambati raydu) इंडियन प्रीमियर लीगमध्ये(indian premier league) मुंबई इंडियन्स आणि चेन्नई सुपर किंग्ससाठी…
मुंबई: प्रत्येक आई-वडिलांना वाटत असले की विकास योग्य पद्धतीने व्हावा. मात्र हे समजून घेणे गरजेचे…
कुटुंबीय सुरक्षित मात्र मालमत्तेचे नुकसान मुंबई : ‘बिग बॉस’ रिअ‍ॅलिटी शोमधून (Bigg Boss reality show)…
नवी दिल्ली : देशात होणारी ऑनलाईन फसवणूक (Online Fraud) रोखण्यासाठी केंद्र सरकारने (Central Government) तब्बल…
अभिनेते परेश रावल यांनी व्यक्त केलं परखड मत मुंबई : लोकसभा निवडणुकीसाठी (Lok Sabha 2024…