मुंबई : सरत्या वर्षात अनेक मराठी कलाकारांनी लग्नगाठ (Marathi Celebrities Marriage) बांधली आणि त्यांची लग्नं बरीच चर्चेत राहिली. मुग्धा वैशंपायन-प्रथमेश लघाटे, गौतमी देशपांडे-स्वानंद तेंडुलकर, स्वानंदी टिकेकर-आशिष कुलकर्णी, अमृता देशपांडे-प्रसाद जवादे यांच्यासोबतच पूजा सावंतनेही लवकरच तिचा बॉयफ्रेंड सिद्धेश चव्हाणसोबत लग्न करणार असल्याची घोषणा केली. त्यामुळे गेल्या वर्षात मराठी सिनेसृष्टीत लगीनघाई पाहायला मिळाली. पण आता नव्या वर्षातही (New year) ही लगीनघाई सुरुच राहणार असल्याची चिन्हे आहेत. कारण नववर्षात मराठीतील आणखी दोन जोडप्यांनी लग्नाची घोषणा केली आहे.
अभिनेता प्रथमेश परब (Prathmesh Parab) म्हणजेच सगळ्यांचा लाडका दगडू त्याची गर्लफ्रेंड क्षितिजा घोसाळकरसोबत (Kshitija Ghosalkar) यावर्षी लग्नगाठ बांधणार आहे. केळवणाची एक पोस्ट शेअर करत त्याने ही घोषणा केली आहे. ‘#pratija चं ठरलं. लग्नाची तारीख लवकरच कळवतो. तारीख खूप स्पेशल आहे आणि हिंट कॅप्शनमध्येच आहे’, असं त्याने आपल्या कॅप्शनमध्ये लिहिलं आहे. यासोबतच त्याने नववर्षाच्या शुभेच्छा दिल्या आहेत. दोघांच्या नावाचा मिळून #pratija असा हॅशटॅग त्याने वापरला आहे.
प्रथमेशने मागच्या वर्षी व्हॅलेंटाईन डेला (Valentine Day) प्रेमाची कबुली दिली होती. दोघांची ओळख इन्स्टाग्रामवर झाली होती. प्रथमेशसोबत रिलेशनशिपमध्ये येण्यापूर्वी क्षितिजा त्याच्या चित्रपटांची खूप मोठी फॅन होती. ती सध्या मॉडेलिंग क्षेत्रात कार्यरत आहे. तसंच ती समाजकार्यदेखील करते. गेल्या तीन वर्षांपासून प्रथमेश आणि क्षितिजा एकमेकांना डेट करत आहेत. प्रथमेश परबच्या पोस्टवर चाहते लाइक्स व कमेंट्सचा वर्षाव करत आहेत.
अभिनेत्री शिवानी सुर्वे (Shivani Surve) आणि अभिनेता अजिंक्य ननावरे (Ajinkya Nanaware) लवकरच लग्नबंधनात अडकणार आहेत. आठ वर्षे एकमेकांसोबत राहिल्यानंतर त्यांनी हा निर्णय घेतला आहे. सध्या ते पाँडिचेरीमध्ये एकत्र वेळ घालवत आहेत. याच ट्रीपदरम्यानचा त्यांचा एकत्र सेल्फी शिवानीने आपल्या स्टोरीवर शेअर केला आहे. ‘तुझी गर्लफ्रेंड म्हणून हे शेवटचं वर्ष’, असं कॅप्शन तिने या सेल्फीला दिलं आहे. म्हणजेच यंदाच्या वर्षात ती अजिंक्यची पत्नी होणार आहे. यावर्षी ते लग्नगाठ बांधणार असल्याचं या कॅप्शनमधून या जोडप्याला सुचवायचं आहे.
दोघांची पहिली भेट ‘तू जीवाला गुंतवावे’ या मालिकेच्या सेटवर झाली होती. तेव्हापासून दोघेही रिलेशनशिपमध्ये आहेत. काही दिवसांपूर्वी व्हायरल झालेल्या एका व्हिडीओमध्ये शिवानी साड्यांची खरेदी करत असल्याचं पाहायला मिळालं होतं. याशिवाय शिवानीने काही दिवसांपूर्वीच सुरेखा तळवलकरांच्या ‘दिल के करींब’ या कार्यक्रमात हजेरी लावली होती. यावेळी शिवानीने “लवकरच तुम्हाला आनंदाची बातमी मिळेल…सगळ्या गोष्टी ठरल्या आहेत” असं सांगितलं होतं. त्यामुळे आता शिवानी-अजिंक्य लग्नाची तारीख केव्हा जाहीर करणार याकडे त्यांच्या चाहत्यांचं लक्ष लागलं आहे.
दोघांच्या कामाबद्दल सांगायचं झालं तर, शिवानी सुर्वेचे गेल्या वर्षातील वाळवी आणि झिम्मा २ हे दोन्ही चित्रपट हिट ठरले. तर अजिंक्य ननवारे सध्या झी मराठीवरील ‘सातव्या मुलीची सातवी मुलगी’ या मालिकेत प्रमुख भूमिका साकारत आहे.
मुंबई : शैक्षणिक वर्ष २०२४-२०२५ साठी ‘शिक्षण हक्क अधिनियम’ अर्थात ‘आरटीई’अंतर्गत २५ टक्के आरक्षित जागांसाठीच्या…
संजय राऊत यांनाच मुख्यमंत्री व्हायचे होते, त्यासाठी उद्धव ठाकरेंना ब्लॅकमेल केल्याचा आमदार नितेश राणे यांचा…
दोन्ही नेते भाषण न करता निघून गेले फुलपूर : लोकसभा निवडणुकीच्या (Lok Sabha Election) पार्श्वभूमीवर…
चिपळूणात ढगफुटी, अडरे गावात अर्ध्या तासात रेकॉर्डब्रेक पाऊस, नद्या दुथडी भरुन वाहू लागल्या चिपळूण :…
काँग्रेस आणि झामुमो यांनी झारखंडला लुटण्याची एकही संधी सोडली नाही पंतप्रधान मोदींनी विरोधकांना झोडपले! जमशेदपूर…
नवी दिल्ली : फसव्या जाहिरातींप्रकरणी सर्वोच्च न्यायालयाच्या दणक्यामुळे पतंजली कंपनीचे संस्थापक रामदेव बाबा आणि बाळकृष्ण…