पेण : मुंबई-गोवा महामार्गावरील पेण उंबर्डे फाट्याच्या दक्षिणेकडे वाशीनाका येथे असलेल्या म्हात्रे चाळीत वन्य प्राण्यांच्या कातडीची विक्री होणार असल्याची गुप्त माहिती अलिबाग वनविभाग पथकाला मिळाली होती. त्यानुसार माहितीच्या आधारे वन अधिकारी व पेण वन विभाग कर्मचाऱ्यांनी वेगवेगळे पथक करून सायंकाळी ५ वाजता त्याठिकाणी सापळा रचून आरोपीचा पाठलाग करत बिबट्याचे सुकलेले कातडे व एक मोटार सायकल जप्त केली. परंतु सदर गुन्ह्यातील संशयित आरोपी फरार झाला असून त्यांचा कसून शोध सुरू आहे.
सदर कारवाई ही अलिबाग वन विभागाचे उपवनसंरक्षक राहुल पाटील (भा.व.से.) आणि डब्ल्यू सीसीबीचे उपसंचालक योगेश वरकड यांच्या मार्गदर्शनाखाली व सहाय्यक वनसंरक्षक अलिबाग गायत्री पाटील यांच्या नेतृत्वाखाली अलिबाग वन विभाग व डब्ल्यू सीसीबी, डब्ल्यूआर नवी मुंबई यांनी संयुक्तरीत्या केली असून यावेळी पेण वनक्षेत्रातील वनपाल, वनरक्षक व फिरते पथक आदि सहभागी होते.
या वन्य प्राणी तस्करीसह त्याची कातडी विक्री प्रकरणी वन विभागाकडून सखोल तपास केला जात आहे. वन्य प्राण्यांची शिकार करणे हा अजामीनपात्र गुन्हा आहे. या गुन्ह्यात आरोपींना तीन ते सात वर्षाचा सक्षम कारावासाची शिक्षा होते. त्यामुळे नागरिकांनी अंधश्रद्धा व अमिषांना बळी पडू नये. तसेच वन्य प्राण्यांच्या तस्करी करणाऱ्यांची माहिती मिळाल्यास ती वन विभागाकडे द्यावी. संबंधित व्यक्तीचे नाव गोपनीय ठेवले जाईल. – गायत्री पाटील – सहाय्यक वनसंरक्षक, अलिबाग, रायगड
पुढील चार दिवस 'असं' असेल वातावरण, जाणून घ्या सविस्तर माहिती मुंबई: राज्यभरात अवकाळी पावसाने थैमान…
लाडक्या पुष्पाला पाहण्यासाठी हजारो चाहते गोळा झाले आणि... नेमकं काय घडलं? हैदराबाद : दाक्षिणात्यच नव्हे…
उत्तर प्रदेश : एकीकडे कडकडत्या उन्हाच्या झळा तर दुसरीकडे अवकाळी पाऊस (Unseasonal Rain) अशा बदलत्या…
मुंबई: जीवनात यश मिळवण्यासाठी लोक हरतऱ्हेचे प्रयत्न करत असतात मात्र इतके करूनही यश मिळत नाही.…
मुंबई: जिओच्या पोर्टफोलिओमध्ये तुम्हाला अनेक प्लान्सचे पर्याय मिळतात. कंपनी प्रीपेड आणि पोस्टपेड दोन्ही प्रकारचे प्लान्स…
मुंबई: आजकाल खाण्यापिण्याच्या सवयीमुळे अधिकतर लोकांमध्ये हृदयविकाराचा धोका आढळून येतो. अनेकदा लोक बाहेर तळलेले मसाल्याचे…