मुंबई: आयपीएल २०२४च्या फायनलचे दोन संघ अखेर ठरले आहे. दुसऱ्या क्वालिफायर सामन्यात सनरायजर्स हैदराबादने राजस्थान रॉयल्सला ३६ धावांनी हरवत दिमाखात अंतिम फेरीत प्रवेश केला आहे. हैदराबादने पहिल्यांदा फलंदाजी करताना १७५ धावा केल्या. प्रत्युत्तरादाखल राजस्थानला २० षटकांत केवळ १३९ धावा करता आल्या.
हैदराबादने पहिल्यांदा खेळताना २० षटकांत ९ बाद १७५ धावा केल्या. त्यानंतर राजस्थानने पॉवरप्लेमध्ये एक बाद ५१ धावा केल्या होत्या. मात्र त्यानंतर संघ ढेपाळला. राजस्थानला २० षटकांत केवळ १३९ धावाच करता आल्या. हैदराबादसाठी शाहबाज अहदमने ३ आणि अभिषेक शर्माने २ विकेट घेतल्या.
शाहबाजने यशस्वी जायसवाल, रियान पराग आणि आर अश्विनला बाद केले. तर अभिषेकने संजू सॅमसन आणि शिमरॉन हेटमायरला बाद केले. ध्रुव जुरेलने ३५ बॉलमध्ये नाबाद ५६ धावा करत राजस्थानला सामन्यात आणण्याचा प्रयत्न केला मात्र त्याचे प्रयत्न फोल ठरले. जुरेलने आपल्या नाबाद खेळीमध्ये सात चौकार आणि दोन षटकार लगावले.
आधीच कोलकाता नाईट रायडर्सचा संघ आयपीएलच्या फायनलमध्ये पोहोचला आहे. आता केकेआर आणि सनरायजर्स हैदराबाद यांच्यात २६ एप्रिलला लढत होणार आहे.
मुंबई: गेल्या काही दिवसांपासून राज्यात मान्सूनचा वेग मंदावला आहे. राज्यात अनेक ठिकाणी ढगाळ वातावरण तसेच…
मुंबई: असे म्हटले जाते जेवण उकडणे हे ते फ्राय करण्याच्या तुलनेत चांगले असते. तुम्हाला ऐकून…
मुरुड, (प्रतिनिधी संतोष रांजणकर) हर्ष हा साकारला मनी आनंदाच्या या क्षणी नवागतांचे करी स्वागत सर्व…
मुंबई: आजच्या काळात मोबाईल फोन आपल्या जीवनाचा अविभाज्य भाग बनला आहे. संपूर्ण दिवस हल्ली सगळेच…
मुंबई: आयसीसी पुरुष टी-२० वर्ल्डकप २०२४मध्ये भारतीय संघाची कामगिरी चांगली होत आहे आणि ते सुपर…
मुंबई: मुलांमध्ये उन्हाळा आणि घामापासून बचावासाठी अधिकतर आंघोळीनंतर मुलांना भरपूर टाल्कम पावडर लावतात. असे केल्या…