दुबई (वृत्तसंस्था) : टी-२० विश्वचषकाच्या आधी सराव सामन्यात दक्षिण आफ्रिकेने त्यांचा ६ विकेटनी पराभव केला. भारताविरुद्ध रविवारी होणाऱ्या लढतीच्या आधी पाकिस्तान संघाला हा मोठा धक्का बसला आहे. पहिल्या सराव सामन्यात पाकिस्तानने वेस्ट इंडिजचा पराभव केला होता. पण दुसऱ्या लढतीत पाकिस्तानचा संघ उघडा पडला.
प्रथम फलंदाजी करताना पाकिस्तानने १८७ धावांचे लक्ष्य दक्षिण आफ्रिकेसमोर ठेवले होते. तरी देखील त्यांचा पराभव झाला. आफ्रिकेकडून डेर डुसेनने ५१ चेंडूत १०१ धावा केल्या. तर कर्णधार टेंबा बावुमाने ४२ चेंडूत ४६ धावा केल्या. अखेरच्या षटकात आफ्रिकेला विजयासाठी १९ धावांची गरज होती आणि त्यांनी ते पार केले.
पाकिस्तानचा सर्वात भरवश्याचा फलंदाज कर्णधार बाबर आझमला या सामन्यात धावा करता आल्या नाहीत. फखर जमानने ५२ धावा केल्या. तर शोएब मलिकने २८ तर असिफ अलीने ३२ धावा केल्या. पण आफ्रिकेने धमाकेदार फलंदाजी करत पाकिस्तानला धक्का दिला.
तर, विद्यमान विजेते वेस्ट इंडिजचा अफगाणिस्तानने ५६ धावांनी पराभव केला. प्रथम फलंदाजी करत त्यांनी १८९ धावा केल्या. उत्तरादाखल वेस्ट इंडिजला फक्त १३३ धावा करता आल्या. गेल्या म्हणजेच २०१६च्या टी-२० वर्ल्डकपचे विजेतेपद मिळवाऱ्या वेस्ट इंडिज संघाला पहिल्या दोन्ही सराव सामन्यात पराभव स्वीकारावा लागला आहे.
टी-२० विश्वचषकात भारत याआधी कधीच पाकिस्तानविरुद्ध पराभूत झाला नाही. त्यातच भारताची सुरुवातही सकारात्मक झाली आहे. मुख्य स्पर्धा सुरू होण्याआधी भारताने दोन सराव सामने खेळेल. पहिल्या सामन्यात इंग्लंडविरुद्ध तर दुसऱ्या सामन्यात ऑस्ट्रेलियाविरुद्ध विजय मिळून भारताने विजेतेपदाचे दावेदार आपणच असल्याचे दाखवून दिले.
कोकणी बाणा : सतीश पाटणकर मुंबई शहरात अनेक पर्यटन स्थळे, प्राचीन, प्रसिद्ध मंदिरांचा वारसा लाभला…
नक्षत्रांचे देणे : डॉ. विजया वाड प्रेमकहाणी या लेखामधून दोन प्रेमी जीवांची झालेली ताटातूट, तरी…
विशेष : लता गुठे रस्त्याच्या दोन्ही बाजूला असलेली झाडे आणि त्यांच्या एकमेकांमध्ये गेलेल्या फांद्या यामुळे…
विशेष : भालचंद्र ठोंबरे महाभारतात कौरव पांडवांचे युद्ध होणार, हे निश्चित झाल्यावर, देशोदेशीच्या राजांनाही या…
नॉस्टॅल्जिया : श्रीनिवास बेलसरे बाबुभाई मिस्त्री यांनी दिग्दर्शित केलेला ‘पारसमणी’(१९६३) ही एक छोटी संगीत मेजवानी…