मुंबई : आयपीएल २०२४ (IPL 2024) साठी मुंबई इंडियन्सचा (Mumbai Indians) कॅप्टन म्हणून हार्दिक पांड्याच्या (Hardik Pandya) नावाची घोषणा झाली आणि तेव्हापासूनच चाहत्यांनी नाराजीचा सूर मारला आहे. कॅप्टन बदलला तरी निदान सामने सुरु झाल्यानंतर मुंबई इंडियन्स आपला दबदबा कायम राखेल, अशी चाहत्यांना आशा होती. मात्र, चाहत्यांच्या आशेवर पाणी फिरत असल्याचे चित्र आहे. मुंबई इंडियन्स संघाला सहा सामन्यांपैकी चार सामन्यांमध्ये पराभव पत्करावा लागला आहे. त्यामुळे साहजिकच हार्दिक पांड्यावर चाहते आणखी नाराज झाले आहेत.
मुंबईच्या पराभवानंतर हार्दिक पांड्याच्या नेतृत्वावर अनेक माजी खेळाडूंनी प्रश्नचिन्ह उपस्थित केले. याबद्दल माजी क्रिकेटपटू सुनील गावस्कर (Sunil Gavaskar) आणि इंग्लंडचा माजी कर्णधार केवीन पीटरसन (Kevin Pietersen) यांनी देखील आपलं मत व्यक्त केलं. ‘हार्दिक पांड्याची गोलंदाजी सर्वसाधारण, त्याचं नेतृत्वही साधारणच आहे’, असं सुनील गावस्कर यांनी स्पष्टपणे सांगितलं.
सुनील गावस्कर म्हणाले, हार्दिक पांड्याने आतापर्यंत प्रभावी नेतृत्व केलं नाही. त्याने अनेक चुका केल्या आहेत. हार्दिक पांड्याची गोलंदाजी सर्वसाधारण राहिली, त्याशिवाय त्याचं नेतृत्वही साधारणच राहिलं. शिवम दुबे आणि ऋतुराज गायकवाड चांगली फलंदाजी करत होते. चेन्नईला १८०-१९० पर्यंत रोखायला हवं होतं. हार्दिक पांड्याकडून आतापर्यंतची सर्वात खराब गोलंदाजी करण्यात आली, असं सुनील गावस्कर म्हणाले.
इंग्लंडचा माजी कर्णधार केवीन पीटरसन याने हार्दिक पांड्याच्या नेतृत्वावर टीकास्त्र सोडलं. पीटरसन म्हणाला की, प्लॅन ए फेल ठरल्यास तुम्ही प्लॅन बी चा वापर का केला नाही? हार्दिक पांड्याने आपल्या फिरकी गोलंदाजांचा वापर का केला नाही? हे न समजण्यासारखं आहे. टीम मिटिंगमध्ये प्लॅन ए ठरला असेल. पण हा प्लॅन यशस्वी ठरला नाही, तर प्लॅन बी का वापरला नाही?
केवीन पीटरसनच्या मते हार्दिक पांड्याच्या कामगिरीवर मैदानाबाहेरुन चाहत्यांकडून होत असलेल्या हूटिंगचा परिणाम होत आहे. नाणेफेकीवेळी हार्दिक पांड्या हसून सगळं काही ठीक असल्याचं दाखवण्याचा प्रयत्न करतो. पण प्रत्यक्षात असं काही नाही. या परिस्थितीमधून मी गेलो आहे. स्टेडियममधून केलं जाणारं हूटिंग तुमच्यावर मानसिक परिणाम करतेच, असं मत पीटरसनने व्यक्त केलं.
पंतप्रधान मोदींचा उद्धव ठाकरेंवर घणाघात मुंबई : मुंबई चैत्यभूमीतून प्रेरणा घेते, हे आमचे सरकार आहे.…
पंचांग आज मिती वैशाख शुद्ध दशमी ११.२४ पर्यंत नंतर एकादशी शके १९४६. चंद्र नक्षत्र उत्तरा…
मुंबई : न्यायालयाने घाटकोपर होर्डिंग प्रकरणी भावेश भिंडेला २६ मे पर्यंत पोलिस कोठडी सुनावली आहे.…
मुख्य निवडणूक अधिकारी तथा प्रधान सचिव एस. चोक्कलिंगम यांचे आवाहन पाचव्या टप्प्यासाठी २० मे रोजी…
हत्येमागील कारण ऐकून पोलीसही हादरले लखनऊ : भावाबहिणीचं नातं हे पवित्र मानलं जातं. आईबाबांनंतर काळजी…
संजय राऊतांच्या टीकेवर मनसेचे संदीप देशपांडे यांचे प्रत्युत्तर मुंबई : मनसेने महायुतीला (Mahayuti) जाहीर पाठिंबा…