मुंबई : दक्षिण मुंबईतील रे रोड परिसरातील दारुखाना येथील गोदामाला गुरूवारी सकाळी सव्वा दहाच्या सुमारास भीषण आग लागली. या आगीत संपूर्ण गोदाम जळून खाक झाल्याची माहिती समोर येत आहे. सुदैवाने या आगीत कोणतीही जीवितहानी झालेली नाही. सध्या अग्निशमन दलाकडून या आगीवर नियंत्रण मिळवण्याचे काम शर्तीच्या प्रयत्नांवर सुरू आहे.
मिळालेल्या माहितीनुसार, रे रोड परिसरातील दारुखाना, ब्रिटानिया कंपनी शेजारी असलेल्या देवीदयाळ कंपाऊंड येथे तळमजला आणि एकमजली गोदाम होते. या गोदामाला अचानक आग लागली. सुरुवातीला ही आग छोटी होती. पण काही वेळातच आगीने रौद्र रूप धारण केले. संपूर्ण दारुखाना परिसरात धुराचे लोट पसरले होते. त्यानंतर या आगीची माहिती मिळताच घटनास्थळी अग्निशमन दलाच्या जवानांनी धाव घेतली.
या आगीची माहिती मिळताच आग भीषण स्वरूपाची असल्याने अग्निशमन दलासोबत स्थानिक पोलीस, महापालिका वार्ड स्तरावरील यंत्रणा, बेस्ट उपक्रम आदी यंत्रणा आणि रुग्णवाहिका यांची व्यवस्था करण्यात आली होती. अग्निशमन दलाचे संबंधित अधिकारी व जवान हे आग विझविण्यासाठी शर्थीचे प्रयत्न करीत असल्याचे समजते.
या गोदामाला नेमकी आग कशामुळे लागली याची माहिती अद्याप अस्पष्ट आहे. अग्निशमन दलासोबत स्थानिक पोलीस या आगीचा तपास करत आहेत. सुदैवाने या आगीत कोणतीही जीवितहानी झालेली नाही. मात्र, मोठ्या प्रमाणात गोदामाचे नुकसान झाले आहे.
खर्चानंतरही भासणार नाही पैशांची अडचण! मुंबई : आजच्या काळात प्रत्येकाला आर्थिकदृष्ट्या आपल्या भविष्याची चिंता असते.…
संजयने का केलं बॅकआऊट? मुंबई : गेल्या काही दिवसांपासून 'वेलकम टू जंगल' (Welcome to jungle)…
शिवसेना प्रवक्ते राजू वाघमारे यांचा संजय राऊत व उबाठा वर हल्लाबोल मुंबई : निवडणुकीच्या निकालानंतर…
केजरीवालांच्या वक्तव्यावर पंतप्रधान मोदींनी दिलं उत्तर पाटणा : लोकसभा निवडणुकीसाठी (Loksabha Election) राज्यात पूर्णपणे मतदान…
मुंबई : कोरोनाच्या महामारीमुळे अनेकांना आपला जीव गमावावा लागला. अलिकडच्या काळात या आजाराची प्रकरणे कमी…
भ्रष्टाचार आणि खुनाचे आरोप यांमुळे उद्धव ठाकरे लंडनला पळणार नितेश राणे यांची जहरी टीका मुंबई…