नाशिक: थेट कायदेशीर नोटरी करून प्रत्येक महिन्याला कंत्राटदारकडून वीस हजार रुपये देण्याची हमी मिळविण्याचे बेकायदेशीर काम करणाऱ्या एका कथित वृक्ष प्रेमी वर गंगापूर रोड पोलिस ठाण्यात गुन्हा दाखल झाला आहे.
या संदर्भात गंगापूर रोड पोलिसांनी दिलेली माहिती अशी की, नितीन कोठावदे यांचे महापालिका हद्दीत वृक्ष तोडण्याचे कंत्राट आहे. हे कंत्राट राबवितांना त्याच्या कामाविषयी मनपा प्रशासनाकडे तक्रार करू नये म्हणून एका तरुणाने कोठावदे यांच्याकडे प्रत्येक महिन्याला वीस हजार रुपयांची मागणी केली. हा तरुण केवळ मागणी करून थांबला नाही तर थेट नोटरी करून तशी हमीच घेतली. नोटरीची प्रत ताब्यात मिळताच कंत्राटदार कोठावदे यांनी थेट गंगापूर रोड पोलिस ठाणे गाठून आपली कैफियत मांडली. गंगापूर रोडचे वरिष्ठ पोलिस निरीक्षक रियाज शेख यांनी प्रकरणाचे गांभीर्य ओळखून तात्काळ खंडणीचा गुन्हा दाखल करण्याचे आदेश दिले. कोठावदे यांच्या तक्रारीवरून पोलिसांनी आरोपीविरुद्ध भादंवि कलम ३८५ व ५०६ अन्वये गुन्हा दाखल करून त्यास ताब्यात घेतले आहे. दरम्यान आरोपीची न्यायालयाने जामीनावर मुक्तता केली आहे.
दरम्यान, याबाबत तपासी अंमलदार सहायक पोलिस निरीक्षक महेश येसेकर यांनी आरोपीकडून नोटरीची मूळ प्रत जप्त करून शहनिशा केली जाईल. त्यानंतर पुढील तपास करून निर्णय घेतला जाईल असे दैनिक प्रहारशी बोलतांना सांगितले.
नॉस्टॅल्जिया : श्रीनिवास बेलसरे बाबुभाई मिस्त्री यांनी दिग्दर्शित केलेला ‘पारसमणी’(१९६३) ही एक छोटी संगीत मेजवानी…
आनंदी पालकत्व : डॉ. स्वाती गानू पूर्वी मनोरंजन हाच कार्टून्सचा मुख्य हेतू होता. तंत्रज्ञानातील बदलाने…
साप्ताहिक राशिभविष्य, १९ ते २५ मे २०२४ सहलीचे आयोजन कराल मेष : आपल्या कार्यक्षेत्रात खूप…
हलकं-फुलकं : राजश्री वटे प्रवास... कुठून सुरू होतो... कुठे संपतो...! कसा सुरू होतो... कसा संपतो...!!…
क्राइम : अॅड. रिया करंजकर देशामध्ये आज बिकट परिस्थिती चालू आहे. सुशिक्षित बेरोजगारी वाढत असून,…