किनवट : अकोल्यातील हरिहरपेठ, नगरमधील शेवगाव आणि नाशिकमधील त्र्यंबकेश्वरनंतर आता नांदेडमध्येदेखील दंगलसदृश घटना घडली आहे. नांदेडमधील किनवट येथे हळदी समारंभात डीजे लावण्याच्या अत्यंत किरकोळ कारणावरुन दोन गटांत हाणामारी झाली. पोलिसांनी वेळीच हस्तक्षेप केल्याने तणाव निवळला.
१४ मे ला रात्री किनवटमधील गंगापूर येथे हळदी समारंभादरम्यान डीजे लावला होता. तेवढ्यात इस्लामपुरा येथील दहा जण तिथे आले. त्यांनी गाणी वाजवण्यावर आक्षेप घेतला व डीजे बंद करायला सांगितला. डीजे लावणार्‍यांनी नकार दिल्यामुळे या दोन्ही गटांमध्ये दगडफेक व हाणामारी सुरु झाली. हे प्रकरण एकमेकांची डोकी फोडण्यापर्यंत गेले. किनवट पोलिसांनी ताबडतोब घटनास्थळी पोहोचून परिस्थितीवर नियंत्रण मिळवले.
यासंबंधी पोलिसांनी एका गटातील ७ तर दुसर्‍या गटातील ४ अशा ११ जणांना ताब्यात घेतलं आहे. दोन्ही गटांवर परस्परविरोधी गुन्हा दाखल करण्यात आला आहे. आता परिस्थिती निवळली असून कोणीही अफवा पसरवू नये व शांतता भंग न करण्याचा इशारा पोलिसांनी दिला आहे.
दिल्लीचे मुख्यमंत्री अरविंद केजरीवाल यांची राजकीय सारीपाटावरील वाटचाल पाहता त्यांच्याबाबतीत ‘कोण होतास तू, काय झालास…
सेवाव्रती: शिबानी जोशी ठाण्यामध्ये राष्ट्रीय स्वयंसेवक संघाची पहिली शाखा ज्या ठिकाणी सुरू झाली, ते ठिकाण…
प्रा. डॉ. विजयकुमार पोटे दोनशे रुपये लिटर दूध, पैसे मोजूनही न मिळणारे पीठ, जीवनावश्यक वस्तूंचा…
मुंबई: आयपीएल २०२४चा प्लेऑफचा टप्पा २१ मेपासून सुरू होत आहे. सनरायजर्स हैदराबाद, कोलकाता नाईट रायडर्स,…
मुंबई: आवळ्यामध्ये औषधीय गुण भरलेले असतात. आयुर्वेदात आवळ्यामध्ये अनेक पोषकतत्वे सांगितलेली आहे. आयुर्वेदाच्या दृष्टीने आवळा…
मतदारयादीत नाव नसल्याने मतदारांचा हिरमोड मुंबई : राज्यातील लोकसभा निवडणुकीच्या पाचव्या टप्प्यातील १३ मतदार संघात…