पिंपरी-चिंचवड : पुण्यात दोन दिवसांपूर्वी तळेगाव दाभाडे येथील उद्योजक आणि जनसेवा विकास समितीचे अध्यक्ष किशोर आवारे यांची निर्घृण हत्या करण्यात आली. या हत्येचा मास्टरमाइंड गौरव खळदे हा सिव्हिल इंजिनीअर आहे. आपल्या वडिलांच्या अपमानाबाबत बदल्याची भावना मनात ठेवून गौरवने हा खून केला असल्याची माहिती समोर आली आहे.
काही दिवसांपूर्वी किशोर आवारे यांनी गौरव खळदेचे वडील भानुदास खळदेंच्या सर्वांसमक्ष कानशिलात लगावली होती. या घटनेवरुन गौरवचे मित्र सतत त्याला चिडवायचे आणि त्याचा गौरवला राग यायचा. या रागातूनच आवारेंना जीवानिशी मारायचा कट त्याने रचला.
या खुनामध्ये शाम निगडकर या गौरवच्या मित्राने त्याला सर्वाधिक मदत केली. गौरव शामला बर्याचदा आर्थिक मदत करायचा त्यामुळे गौरवने मदतीसाठी विचारल्यावर शाम नकार देऊ शकला नाही, अशी माहिती पोलिस तपासातून समोर आली.
पिंपरी-चिंचवडचे सहाय्यक पोलीस आयुक्त पद्माकर घनवट यांनी दिलेल्या माहितीनुसार, किशोर आवारे आणि भानुदास खळदे यांचा डिसेंबर महिन्यात नगरपालिकेमध्ये एका विषयावरुन वाद झाला होता. या वादात किशोर आवारे यांनी जनसेवा पक्षाचे कार्यकर्ते आणि माजी नगरसेवक भानुदास खळदे यांच्यावर हात उगारला. याबाबत किशोर आवारेंविरुद्ध पोलिस ठाण्यात गुन्हा दाखल करण्यात आला होता आणि प्रतिबंधात्मक कारवाईदेखील केली गेली होती. परंतु आपल्या वडिलांना सर्वांदेखत कानाखाली मारली आणि बेईज्जती केली याचा राग गौरवच्या मनात राहिला. त्याने जानेवारीपासून हत्येचा कट रचला आणि मारेकर्यांना आपल्या साथीने घेत किशोर आवारेंचा खून केला, असं प्राथमिक तपासातून निष्पन्न झालेलं आहे.
आतापर्यंत या प्रकरणात पोलिसांनी एकूण सहा आरोपींना अटक केलेली आहे. याबाबत पुढील कारवाई पोलिस करत आहेत.
बुलढाणा बस दुर्घटनेची पुनरावृत्ती होता होता वाचली! बुलढाणा : गतवर्षी जून महिन्यात बुलढाणा येथे एक…
कालच्या राड्याप्रकरणी मिहिर कोटेचा यांचा मुंबईकरांना सवाल मविआच्या २५-३० कार्यकर्त्यांवर गुन्हा दाखल; ५ जण पोलिसांच्या…
हसन मुश्रीफांनी घटनेची दखल घेत तातडीने आर्थिक मदत करण्याच्या दिल्या सूचना कोल्हापूर : कोल्हापुरातून (Kolhapur)…
कारण सांगताच घरचेही अवाक नवी दिल्ली : 'तारक मेहता का अलटा चष्मा' या लोकप्रिय मालिकेतून…
मुंबई: लखनऊ सुपर जायंट्सने मुंबई इंडियन्सला आयपीएल २०२४मधील(ipl 2024) ६७व्या सामन्यात हरवले. लखनऊने पहिल्यांदा फलंदाजी…
मुंबई: रिलायन्स जिओकडे(reliance jio) सध्या यावेळे ४६ कोटींपेक्षा अधिक लोकांचा कस्टमर बेस आहे आणि आता…