मुंबई : प्रीमियर बससेवेवरील वाढता प्रतिसाद लक्षात घेता बेस्ट उपक्रमाने आणखी आठ बस मार्गांवर चलो प्रीमियर बस सुरू करण्याचा निर्णय घेतला आहे. बेस्टच्या ताफ्यात नुकत्याच ४० चलो प्रीमियम दाखल झाल्या आहेत. या नव्या बस या प्रीमियर मार्गांवर धावतील.
या बससेवांचा विशेष करून नवी मुंबई, अंधेरी, बीकेसी, सीप्ज व कालिना येथील प्रवाशांना लाभ होणार आहे. नवीन प्रीमियर बस मार्ग एस ११४ खारघर ते बीकेसी, एस ११५ बेलापूर ते बीकेसी, एस ११६ खारघर ते अंधेरी, एस ११७ बेलापूर ते अंधेरी, एस ११८ लोढा अमरा ठाणे ते अंधेरी, एस ११९ कुर्ला ते बीकेसी, एस १२० गुंदवली ते बीकेसी मार्गे कालिना, १२१ अंधेरी ते सीप्ज या मार्गावर धावतील.
‘चलो’तर्फे प्रथम प्रवास करणाऱ्या प्रवाशांना या बसमधून भरपूर सवलत दिली जाणार असून खारघर व बेलापूर ते बीकेसी मूळ भाडे १३४ रुपये असून प्रथम प्रवास करणाऱ्यास ४५ रुपयांत प्रवास करता येईल. खारघर व बेलापूर ते अंधेरी मूळ भाडे १४९ रुपये असून प्रथम प्रवास करणाऱ्याला पन्नास रुपयांत प्रवास करता येईल. ठाणे ते अंधेरी मूळ भाडे १३४ रुपये असून सवलतीच्या दरात ते ४५ रुपयांना मिळेल. कुर्ला ते बीकेसी मूळ भाडे ३० रुपये असून सवलतीत पंधरा रुपयांत प्रवास करता येईल. कुर्ला ते गुंदवली मूळ भाडे ६८ रुपये असून सवलतीत २५ रुपयांमध्ये, तर अंधेरी ते सोपज मूळ भाडे ३० रुपये असून सवलतीत ते पंधरा रुपयांत करता येईल.
कोकणी बाणा : सतीश पाटणकर मुंबई शहरात अनेक पर्यटन स्थळे, प्राचीन, प्रसिद्ध मंदिरांचा वारसा लाभला…
नक्षत्रांचे देणे : डॉ. विजया वाड प्रेमकहाणी या लेखामधून दोन प्रेमी जीवांची झालेली ताटातूट, तरी…
विशेष : लता गुठे रस्त्याच्या दोन्ही बाजूला असलेली झाडे आणि त्यांच्या एकमेकांमध्ये गेलेल्या फांद्या यामुळे…
विशेष : भालचंद्र ठोंबरे महाभारतात कौरव पांडवांचे युद्ध होणार, हे निश्चित झाल्यावर, देशोदेशीच्या राजांनाही या…
नॉस्टॅल्जिया : श्रीनिवास बेलसरे बाबुभाई मिस्त्री यांनी दिग्दर्शित केलेला ‘पारसमणी’(१९६३) ही एक छोटी संगीत मेजवानी…