दुर्ग(छत्तीसगड): छत्तीसगडमधील दुर्ग जिल्ह्यात मंगळवारी एक बस खोल दरीत कोसळल्याने झालेल्या अपघातात १२ जणांचा मृत्यू झाला आहे. तर ३० हून अधिक लोक जखमी झाले आहेत. पोलीस अधिकाऱ्यांनी ही माहिती दिली. अधिकाऱ्यांनी सांगितले की कुम्हारी ठाणे क्षेत्रांतर्गत खपरी गावाच्या करीब मुरम या ५० फूट खोल दरीत बस कोसळल्याने झालेल्या अपघातात १२ जण मृत्यूमुखी पावले. तर इतर ३८ लोक जखमी झाले.
केडिया डिस्टिलरीजची बस कर्मचाऱ्यांना घेऊन निघाली होती. बसमध्ये ४५ कर्मचारी होती. ही घटना मंगळवारी रात्री साडे आठ वाजण्याच्या सुमारास घडली. बसवरील नियंत्रण सुटल्याने बस खोल दरीत कोसळली. घटनेची माहिती मिळताच पोलीस दल घटनास्थळी रवाना झाले आणि बचावकार्य सुरू करण्यात आले. मृतदेह तसेच जखमींना रुग्णालयात पाठवण्यात आले. तसेच दरीत कोसळलेली बस काढण्याचे प्रयत्नही सुरू आहेत.
छत्तीसगडचे मुख्यमंत्री विष्णू देव साय यांनी या अपघाताप्रकरणी शोक व्यक्त केला आहे. त्यांनी सोशल मीडियावर लिहिले, दुर्गच्या कुम्हारीजवळ खाजगी कंपनीच्या कर्मचाऱ्यांनी भरलेल्या बसला अपघात झाल्याची दुख:द माहिती मिळाली. मी ईश्वराकडे या अपघातात मृत पावलेल्या कुटुंबियांना हे दुख: सहन करण्याची ताकद मिळो अशी प्रार्थना करतो.
'असा' करा अर्ज; जाणून घ्या सविस्तर माहिती मुंबई : भारतीय हवाई दलात पायलट होऊ इच्छिणाऱ्या…
कार्यक्षमतेवर प्रश्न उपस्थित झाल्याने पुणे पोलीस आयुक्तांचं पत्रकार परिषद घेत स्पष्टीकरण अपघातातील पोर्शे कार विनानोंदणी…
मुंबई : दहावीच्या विद्यार्थ्यांसाठी एक महत्त्वाची माहिती समोर आली आहे. आजपर्यंत अतिरिक्त गुण मिळत असलेले…
मुंबई विभागाने मात्र गाठला तळ मुंबई : गेल्या अनेक दिवसांपासून बारावीचे विद्यार्थी ज्याची वाट पाहत…
जाणून घ्या सध्याचे दर काय? नवी दिल्ली : गेल्या महिन्यात सोन्याने विक्रमी पातळी गाठली होती.…
रस्त्यावर आढळली फ्लेमिंगोची पिसे आणि सांगाडे; मृत्यूचं कारण मात्र अस्पष्ट मुंबई : मानवाने केलेल्या पर्यारणाच्या…