कर्नाटक : कर्नाटकच्या यादगीर जिल्ह्यात शिक्षण विभागाने दोन सरकारी शिक्षकांवर तडकाफडकी निलंबनाची कारवाई केली आहे. राष्ट्रीय स्वयंसेवक संघाच्या (आरएसएस) 'पथ संचलन' म्हणजेच रूट मार्चमध्ये सहभागी झाल्यामुळे ही कारवाई करण्यात आली. अण्णासाहेब देशमुख आणि गुरुराज जोशी अशी या निलंबित शिक्षकांची नावे आहेत. 'कर्नाटक नागरी सेवा नियमांचे' उल्लंघन केल्याचा ठपका ठेवत यादगीरच्या शिक्षण उपसंचालकांनी (DDPI) ही कारवाई केली आहे.
काय आहे हे संपूर्ण प्रकरण ?
मुंबई : आदिवासी विद्यार्थ्यांच्या विविध मागण्या सरकारने चर्चेच्या माध्यमातून मान्य केल्या असून, त्यानंतरही सुरू असलेले आंदोलन हे काँग्रेसच्या ...
निलंबित झालेले अण्णासाहेब देशमुख हे कुप्पी गावातील सरकारी प्राथमिक शाळेत, तर गुरुराज जोशी हे हुनासुगी येथील सरकारी मुलींच्या हायस्कूलमध्ये शिक्षक म्हणून काम करत होते. ऑक्टोबर २०२५ मध्ये हुनासुगी आणि विजापूर येथील तालीकोटी भागात आरएसएसतर्फे संचलन आयोजित करण्यात आले होते, ज्यामध्ये हे दोघे शिक्षक सहभागी झाले होते. याप्रकरणी 'आंबेडकर स्वाभिमानी सेने'चे जिल्हाध्यक्ष जुमन्ना गुडीमानी यांनी शिक्षण विभागाकडे तक्रार नोंदवली होती. या तक्रारीनंतर झालेल्या चौकशीत सरकारी कर्मचाऱ्याने अशा कार्यक्रमांत सहभागी होणे नियमांचे उल्लंघन ठरल्याचे स्पष्ट झाले, ज्यानंतर दोघांना निलंबित करण्यात आले.
आरएसएसच्या कार्यक्रमांवरून कर्नाटकात राजकीय वाद
ही कारवाई अशा वेळी घडली आहे जेव्हा कर्नाटक सरकार सरकारी शाळा आणि मैदानांच्या वापराबाबत नवे कडक नियम आणण्याचा विचार करत आहे. नव्या नियमांनुसार, कोणत्याही सभेसाठी किंवा कार्यक्रमासाठी सरकारी जागेचा वापर करायचा असल्यास प्रशासनाची पूर्वपरवानगी घेणे अनिवार्य असेल. या निर्णयामुळे आरएसएसच्या शाखा आणि इतर उपक्रमांवर मर्यादा येण्याची शक्यता आहे. याआधीही कर्नाटकाचे गृहमंत्री प्रियांक खरगे यांनी मुख्यमंत्री सिद्धरामय्या यांना पत्र लिहून सरकारी जागांवर चालणाऱ्या आरएसएसच्या शाखांवर बंदी घालण्याची मागणी केली होती.
