मुंबई : मध्य रेल्वेच्या कसारा मार्गावर प्रवास करणाऱ्या प्रवाशांसाठी महत्त्वाची बातमी आहे. टिटवाळा स्थानकावरील प्लॅटफॉर्म विस्ताराच्या कामासाठी २८ ऑगस्टच्या रात्रीपासून ११ सप्टेंबरच्या रात्रीपर्यंत तब्बल १५ रात्री विशेष ट्रॅफिक आणि पॉवर ब्लॉक घेण्यात येणार आहे. टिटवाळा स्थानकाचा प्लॅटफॉर्म १५ डब्यांच्या लोकल फेऱ्यांसाठी योग्य करण्यासाठी हे काम हाती घेण्यात आले आहे. (Central Railway Block)
पहिल्या टप्प्यात रात्री ५ तास ४० मिनिटांचा ब्लॉक :
२८ ऑगस्टच्या रात्रीपासून १ सप्टेंबरच्या रात्रीपर्यंत ब्लॉकचा पहिला टप्पा राबवण्यात येणार आहे. या काळात दररोज रात्री ११.३० ते पहाटे ५.१० वाजेपर्यंत म्हणजेच सुमारे ५ तास ४० मिनिटांचा ब्लॉक असेल. कल्याण ते वासिंददरम्यान अप आणि डाउन नॉर्थ-ईस्ट मार्गावर हा ब्लॉक घेण्यात येणार आहे. त्यामुळे टिटवाळा ते कसारा दरम्यान धावणाऱ्या रात्रीच्या आणि पहाटेच्या लोकल सेवांवर विशेष परिणाम होणार आहे. (Central Railway Block)
मुंबई : भुलेश्वर येथे गणेशमूर्ती कोसळून झालेल्या दुर्घटनेनंतर मुंबई महापालिकेने मोठ्या गणेशमूर्तींच्या सुरक्षेबाबत महत्त्वाचा निर्णय घेतला आहे. ...
अनेक लोकल रद्द; काही गाड्या शॉर्ट टर्मिनेट :
२८ ऑगस्टच्या रात्री काही CSMT-टिटवाळा आणि CSMT-कसारा लोकल रद्द करण्यात येणार आहेत. टिटवाळाहून CSMT आणि ठाण्याकडे जाणाऱ्या काही सेवांमध्येही बदल करण्यात आले आहेत.
रात्री ८.५६ वाजता सुटणारी CSMT-असणगाव लोकल टिटवाळ्यापर्यंतच धावणार आहे. तर रात्री १० वाजण्याच्या सुमारास सुटणाऱ्या डोंबिवली-CSMT आणि कल्याण-CSMT लोकल ठाणे स्थानकापर्यंतच धावतील. ब्लॉकपूर्वी कसाऱ्यासाठी शेवटची लोकल CSMTहून रात्री १०.४७ वाजता सुटणार आहे. ब्लॉकनंतर CSMTहून पहिली सेवा पहाटे ४.१९ वाजता, तर कसारा-CSMT पहिली लोकल कसाऱ्याहून पहाटे ३.५१ वाजता सुटणार आहे. (Central Railway Block)
टिटवाळ्याऐवजी असणगावपर्यंत लोकल धावणार :
२९ ऑगस्टच्या रात्रीपासून १ सप्टेंबरच्या रात्रीपर्यंत आणखी काही लोकल रद्द किंवा शॉर्ट टर्मिनेट करण्यात येणार आहेत. या कालावधीत टिटवाळ्यापर्यंत जाणाऱ्या सर्व लोकल असणगावपर्यंत वाढवण्यात येतील. त्याचप्रमाणे टिटवाळ्याहून सुरू होणाऱ्या काही लोकल असणगावहून सुरू करण्यात येणार आहेत. काही सेवांचा प्रवास ठाणे किंवा कल्याणपर्यंत मर्यादित केला जाणार आहे. (Central Railway Block)
AC लोकलवरही परिणाम :
सकाळी ६.३० वाजता CSMTहून टिटवाळ्यासाठी सुटणारी AC लोकल तसेच दुपारी ३.३३ वाजता दादरहून टिटवाळ्यासाठी सुटणारी AC लोकल या कालावधीत केवळ ठाण्यापर्यंत धावणार आहे. CSMT-टिटवाळा मार्गावरील इतर काही लोकल ठाणे किंवा कल्याणपर्यंतच धावतील. तर टिटवाळा-CSMT मार्गावरील काही सेवा ठाणे किंवा कल्याण येथून सुरू करण्यात येणार आहेत. (Central Railway Block)
मुंबई : महाराष्ट्रात मागील काही दिवसांपासून पावसाने उघडीप दिली आहे. काही भागांत हलका ते मध्यम पाऊस होत असला, तरी जोरदार पावसाची प्रतीक्षा कायम आहे. ...
मेल-एक्स्प्रेस गाड्यांनाही विलंब :
या ब्लॉकचा परिणाम काही मेल आणि एक्स्प्रेस गाड्यांवरही होणार आहे. गोरखपूर-दादर आणि बलिया-दादर एक्स्प्रेस काही निश्चित रात्री वासिंद किंवा आटगाव येथे नियंत्रित केल्या जाणार आहेत. तसेच जननगरी एक्स्प्रेस, शालीमार-LTT एक्स्प्रेस, हावडा-CSMT मेल आणि मऊ-LTT एक्स्प्रेस या गाड्या मुंबईत सुमारे १० ते २० मिनिटे उशिराने पोहोचण्याची शक्यता आहे. (Central Railway Block)
उर्वरित ब्लॉकची माहिती स्वतंत्रपणे जाहीर होणार :
मध्य रेल्वेने स्पष्ट केले आहे की, पायाभूत सुविधांचे काम आणि प्रवाशांच्या सुरक्षेच्या दृष्टीने हे ब्लॉक आवश्यक आहेत. १ सप्टेंबरनंतरच्या उर्वरित ब्लॉकची माहिती स्वतंत्रपणे जाहीर केली जाणार आहे. त्यामुळे कसारा मार्गावरून प्रवास करणाऱ्या प्रवाशांनी लोकलचे सुधारित वेळापत्रक तपासूनच प्रवासाचे नियोजन करावे आणि रेल्वे प्रशासनाला सहकार्य करावे, असे आवाहन मध्य रेल्वेकडून करण्यात आले आहे. (Central Railway Block)
