भिवंडी : भिवंडीतील ठाणे रोड परिसरात, रोज घराबाहेर बसून धिंगाणा घालणाऱ्यांना हटकण्याची मोठी किंमत एका कुटंबाला मोजावी लागली. वाद विकोपाला गेल्यानंतर झालेल्या झटापटीत ६५ वर्षीय जमीर अहमद मोहम्मद कासिम यांचा मृत्यू झाला. ही संपूर्ण घटना सीसीटीव्ही कॅमेऱ्यात रेकॉर्ड झाली आहे. हा व्हिडीओ सोशल मीडियावर व्हायरल होत आहे. या घटनेप्रकरणी पोलिसांनी दोन तरुणांना ताब्यात घेतले आहे.
मुंबई : राज्यातील नागरिकांना त्यांच्या गरजेनुसार दर्जेदार, सुलभ आणि वेळेत आरोग्यसेवा उपलब्ध करून देण्यासाठी सार्वजनिक आरोग्य विभागाने ...
दररोज आठ ते दहा जण जमीर अहमद मोहम्मद कासिम यांच्या घराबाहेरच्या परिसरात मोबाईलचा आवाज वाढवून मोठ्या आवाजात बोलत बसायचे अथवा व्हिडीओ बघत - ऐकत बसायचे. मुद्दाम मोठ्या आवाजात गप्पा मारत बसायचे. या त्रासाला वैतागून जमीर अहमद मोहम्मद कासिम यांनी त्रास देणाऱ्यांना हटकले. यावरून वाद झाला. थोड्याच वेळात वाद विकोपाला गेला आणि मोठ्या आवाजात धिंगाणा घालणाऱ्यांनी जमीर अहमद मोहम्मद कासिम यांना बेदम चोपले. मारहाण असह्य झाली आणि जमीर अहमद मोहम्मद कासिम यांचा मृत्यू झाला. स्थानिक सीसीटीव्ही फूटेजमध्ये अनेकजण मारहाण करत असल्याचे स्पष्ट दिसत आहे. मारहाण करणाऱ्यांनी जमीर अहमद मोहम्मद कासिम यांना बेदम चोपले. जमीर अहमद मोहम्मद कासिम यांना पोटात आणि कमरेखाली लाथा मारण्यात आल्या. या मारहाणीत जमीर अहमद मोहम्मद कासिम गंभीर जखमी झाले. कुटुंबीयांनी आणि स्थानिकांनी त्यांना तात्काळ एका खासगी रुग्णालयात दाखल केले, जिथे उपचारादरम्यान त्यांचा मृत्यू झाला.
मुंबई : हवामान खात्याच्या अंदाजानुसार सोमवार २४ ऑगस्ट २०२६ रोजी महाराष्ट्रात हलक्या ते मध्यम सरींची शक्यता आहे. कोकण, गोवा, मध्य महाराष्ट्र आणि ...
घटनेची माहिती मिळताच कुंभारवाडा पोलीस घटनास्थळी दाखल झाले. पंचनामा केल्यानंतर पोलिसांनी मृतदेह भिवंडी येथील इंदिरा गांधी मेमोरियल रुग्णालयात पाठवला. मिळालेल्या माहितीनुसार, जमीर अहमद मोहम्मद कासिम यांचा मृत्यू अंतर्गत जखमांमुळे झाल्याचा संशय असून, मृतदेह फॉरेन्सिक तपासणी आणि शवविच्छेदनासाठी मुंबईतील जे. जे. रुग्णालयात पाठवण्यात आला आहे. सीसीटीव्ही फुटेजच्या आधारे पोलिसांनी दोन तरुणांना ताब्यात घेतले आहे. जे. जे. रुग्णालयातील शवविच्छेदन अहवालानंतरच मृत्यूचे नेमके कारण कळेल. पोलीस या प्रकरणाचा पुढील तपास करत आहेत.
View this post on Instagram
