नवी दिल्ली : हिंद महासागर क्षेत्रातील समुद्री निगराणी क्षमता आणखी मजबूत करण्यासाठी भारताने मोठे पाऊल उचलले आहे. संरक्षण मंत्रालयाने अमेरिकेतील जनरल अॅटॉमिक्स एरोनॉटिकल सिस्टम्स (GA-ASI) कंपनीसोबत भारतीय नौदलासाठी दोन MQ-9B Sea Guardian ड्रोन 30 महिन्यांसाठी लीजवर घेण्याचा करार केला आहे. या कराराची एकूण किंमत सुमारे १,९४३ कोटी रुपये असल्याची माहिती आहे. (Indian Navy MQ-9B Sea Guardian)
काय आहे MQ-9B Sea Guardian ड्रोनची खासियत?
MQ-9B Sea Guardian हे हाय-अल्टिट्यूड, लॉन्ग-एंड्युरन्स (HALE) श्रेणीतील अत्याधुनिक मानवरहित विमान आहे. हे ड्रोन प्रगत सेन्सर्स, अत्याधुनिक निगराणी प्रणाली आणि मोठ्या क्षमतेच्या पेलोडने सुसज्ज आहे. (Indian Navy MQ-9B Sea Guardian)
नवी दिल्ली : राजधानी दिल्लीतील पाकिस्तान उच्चायोगाबाहेर उभारण्यात आलेली अनधिकृत बांधकामे आणि रांगेचे व्यवस्थापन करण्यासाठी लावण्यात आलेले अडथळे ...
या ड्रोनची सर्वात मोठी वैशिष्ट्ये म्हणजे ते ३५ तासांहून अधिक काळ सलग उड्डाण करू शकते. त्यामुळे दीर्घ पल्ल्याच्या समुद्री निगराणी मोहिमांसाठी त्याचा मोठ्या प्रमाणावर वापर करता येतो. MQ-9B Sea Guardianचा वापर उच्च उंचीवरील ऑपरेशन्स, समुद्री गस्त, दीर्घ पल्ल्याची निगराणी, पाणबुडीविरोधी मोहिमा आणि ओव्हर-द-होरायझन टार्गेटिंगसारख्या विविध कामांसाठी केला जाऊ शकतो. (Indian Navy MQ-9B Sea Guardian)
भारतीय नौदलाची समुद्री ताकद वाढणार :
या दोन ड्रोनच्या तैनातीमुळे भारतीय नौदलाची हिंद महासागर क्षेत्रातील निगराणी क्षमता आणखी मजबूत होण्याची अपेक्षा आहे. संशयास्पद समुद्री हालचालींवर लक्ष ठेवण्यासोबतच रिअल-टाइम इंटेलिजन्स, सर्व्हिलन्स आणि रिकॉनिसन्स (ISR) क्षमता वाढण्यास मदत होईल. भारतीय नौदल आधीपासूनच लीजवर घेतलेल्या दोन Sea Guardian ड्रोनचा वापर करत आहे. आता आणखी दोन ड्रोन मिळाल्यानंतर नौदलाकडे या श्रेणीतील एकूण चार ऑपरेशनल ड्रोन उपलब्ध होतील. (Indian Navy MQ-9B Sea Guardian)
नवी दिल्ली : चंद्राच्या पृष्ठभागावर झालेल्या एका मोठ्या रॉकेट धडकेचे स्पष्ट पुरावे आता समोर आले आहेत. अमेरिकेची अंतराळ संस्था NASA च्या Lunar Reconnaissance Orbiter (LRO) ने ...
३१ MQ-9B ड्रोनच्या मोठ्या कराराचीही प्रतीक्षा :
दरम्यान, भारत आणि अमेरिकेदरम्यान झालेल्या सुमारे ४ अब्ज डॉलरच्या कराराअंतर्गत ३१ MQ-9B Predator/Sea Guardian ड्रोन मिळण्याची प्रक्रिया सुरू आहे. ऑक्टोबर २०२४ मध्ये झालेल्या या मोठ्या करारानुसार भारतीय लष्कर, नौदल आणि हवाई दलासाठी या ड्रोनची संयुक्तपणे खरेदी करण्यात येणार आहे. नवीन दोन Sea Guardian ड्रोन लीजवर घेतल्याने ३१ ड्रोनच्या मोठ्या ताफ्याची डिलिव्हरी होण्यापूर्वीच भारतीय नौदलाच्या समुद्री निगराणी क्षमतेला अतिरिक्त बळ मिळणार आहे. (Indian Navy MQ-9B Sea Guardian)
