मुंबई : ऑगस्ट महिन्यात अपेक्षित असलेला पाऊस अद्याप राज्यात म्हणावा तसा झालेला नाही. गेल्या दोन दिवसांपासून महाराष्ट्रातील बहुतांश भागात पावसाचा जोर ओसरला आहे. मात्र, काही जिल्ह्यांमध्ये हवामानात पुन्हा बदल होण्याची शक्यता असून, मध्य महाराष्ट्र, मराठवाडा आणि विदर्भातील काही भागांत वादळी वाऱ्यांसह पावसाचा अंदाज हवामान विभागाने वर्तवला आहे. १९ ऑगस्ट रोजी काही जिल्ह्यांना यलो अलर्ट देण्यात आला आहे. (Maharashtra Weather Alert)
कोकणात हलका ते मध्यम पाऊस :
कोकणातील बहुतांश भागांत हलका ते मध्यम पाऊस पडण्याची शक्यता आहे. काही ठिकाणी वादळी सरींचाही अंदाज आहे. मात्र, सध्या कोकणातील कोणत्याही जिल्ह्यासाठी अलर्ट जारी करण्यात आलेला नाही. पुढील दोन ते तीन दिवस या भागातील हवामानाची स्थिती साधारण अशीच राहण्याची शक्यता आहे. (Maharashtra Weather Alert)
- कायाकल्प प्रकल्पाला महापालिका सभागृहात रात्री साडेबारा वाजता मंजुरी मुंबई (सचिन धानजी) बेस्टचा (Best Bus) उपक्रमाला नफ्यात आणण्यासाठी राज्याचे ...
उत्तर महाराष्ट्रात पावसाची उघडीप :
उत्तर महाराष्ट्रात नाशिक वगळता बहुतांश जिल्ह्यांमध्ये पावसाचे प्रमाण कमी राहण्याचा अंदाज आहे. धुळे, नंदुरबार, जळगाव आणि नाशिकमध्ये हलका ते मध्यम वादळी पाऊस होऊ शकतो. काही भागांत मात्र हवामान कोरडे राहण्याची शक्यता आहे. (Maharashtra Weather Alert)
पश्चिम महाराष्ट्रात सोलापूरला यलो अलर्ट :
अहिल्यानगर, पुणे, कोल्हापूर, सातारा आणि सांगली जिल्ह्यांत हलका ते मध्यम पाऊस तसेच पावसाची उघडीप राहण्याचा अंदाज आहे. सोलापूर जिल्ह्यासाठी यलो अलर्ट जारी करण्यात आला असून, वादळी वाऱ्यांसह पावसाची शक्यता आहे. या काळात वाऱ्याचा वेग ताशी ३० ते ४० किलोमीटरपर्यंत राहू शकतो. (Maharashtra Weather Alert)
मराठवाड्यातील ४ जिल्ह्यांना अलर्ट :
छत्रपती संभाजीनगर, परभणी, हिंगोली आणि नांदेडमध्ये हलका ते मध्यम वादळी पाऊस होण्याची शक्यता आहे. तर जालना, बीड, लातूर आणि धाराशिव या जिल्ह्यांना यलो अलर्ट देण्यात आला आहे. या भागात ताशी ३० ते ४० किलोमीटर वेगाने वारे वाहण्याची शक्यता असून, विजांच्या कडकडाटासह पाऊस होऊ शकतो. (Maharashtra Weather Alert)
नवी दिल्ली : परीक्षा नियोजनातील पारदर्शकतेसाठी नॅशनल टेस्टिंग एजन्सी अर्थात एनटीएने ६०० तज्ज्ञांना हटवण्याचा मोठा निर्णय घेतला आहे. या तज्ज्ञांच्या ...
गोंदियात जोरदार पावसाची शक्यता :
विदर्भातील बहुतांश जिल्ह्यांत सध्या कोणताही अलर्ट नसला तरी पावसाची तूट कायम आहे. गोंदिया जिल्ह्यासाठी मात्र यलो अलर्ट जारी करण्यात आला आहे. येथे ताशी ४० ते ५० किलोमीटर वेगाने वारे वाहण्यासह हलका ते मध्यम पाऊस पडण्याची शक्यता आहे. काही ठिकाणी जोरदार पावसाच्या सरीही कोसळू शकतात. (Maharashtra Weather Alert)
एकूणच, १९ ऑगस्ट रोजी महाराष्ट्रातील बहुतांश भागांत पावसाची उघडीप राहण्याची शक्यता असली, तरी सोलापूर, मराठवाड्यातील काही जिल्हे आणि गोंदिया येथे वादळी वाऱ्यांसह पावसाचा जोर वाढू शकतो. नागरिकांनी विजांचा कडकडाट आणि सोसाट्याच्या वाऱ्याच्या वेळी आवश्यक ती काळजी घ्यावी तसेच हवामान विभागाच्या सूचनांचे पालन करावे. (Maharashtra Weather Alert)
