नवीन संस्थेची नेमणूक करण्याच्या हालचाली सुरु
मुंबई (विशेष प्रतिनिधी) : घाटकोपरमधील रमाबाई आणि कामराज नगरमधील झोपडपट्टीच्या पुनर्विकासासाठी हाती घेण्यात येणाऱ्या एसआरए योजनेसाठी तब्बल ४६ झाडे ...
मुंबई (विशेष प्रतिनिधी) : भायखळा राणीबागेतील डॉ भाऊ दाजी लाड वस्तूसंग्रहालयाच्या देखभालीसाठी नेमण्यात आलेल्या जमनालाल बजाज फाऊंडेशन आणि इंटॅक सोबतचा करार संपुष्टात आल्यानंतर याच्या देखभालीचा प्रश्न उपस्थित झाला आहे. यापूर्वी १५ वर्षांचा कालावधी संपुष्टात आल्यानंतर पुढील १५ वर्षांचा करार म्हणजे २०२७पर्यंत गृहीत धरण्यात आले होते. परंतु याला मान्यता देण्यात आली नाही. परंतु सन २०२० पर्यंत याची देखभाल केली जात असली तरी सध्या याची देखभालीसाठी संबंधित संस्थेची नेमणूकच करण्यात न आल्याने आता याची देखभाल करावी कशी असा प्रश्न उपस्थित केला जात आहे.
जमनालाल बजाज फाऊंडेशन यांच्याबरोबरच सन २००३मध्ये करार करण्यात आला होता. याचा १५ वर्षांकरता केलेला हा ठराव जानेवारी २०१८ला संपुष्ठात आला. त्यानंतरही ही वास्तू जमनालाल बजाज फाऊंडेशन आणि इंटॅकच्या ताब्यातच आहे. ही वास्तू महापालिकेने ताब्यात घेण्याचा ठराव महापालिकेच्या सभागृहात करण्यात आला होता. परंतु आजतागायत ही वास्तू महापालिकेच्या ताब्यात आलेली नसून मेसर्स इंटॅक आणि बजाज फाऊंडेशन यांच्याच ताब्यात आहे. या वास्तू संग्रहालयाची इमारत पुरातन वास्तूमध्ये मोडत आहे. कोविडनंतर येथील वस्तूसंग्रहालय पर्यटकांसाठी बंद ठेवण्यात आले. त्यानंतर सन २०२५ रोजी वस्तू संग्रहालय पुन्हा सुरु करण्यात आले. राज्याचे मुख्यमंत्री देवेंद्र फडणवीस यांच्या हस्ते ८ जानेवारी २०२५ रोजी करण्यात आले. परंतु या संग्रहालयाकरता पुढील व्यवस्था होत नाही तोपर्यंत हे वास्तूसंग्रहालय इंटॅक यांनी पहावे अशाप्रकारचे आदेश देण्यात आले आहे. तेव्हापासून याची देखभाल इंटॅकच्या माध्यमातून केली जात आहे. त्यामुळे या वस्तूसंग्रहालयाच्या देखभालीसाठी आता नवीन संस्थेची आवश्यकता असून त्यांची नेमणूक करण्याची प्रक्रिया राबवण्यात येत आहे.
मुंबई: पश्चिम रेल्वेने प्रवाशांच्या सुरक्षेसाठी आणि रेल् ...
सुत्रांकडून मिळालेल्या माहितीनुसार,सर्व समावेश यंत्रणा नेमण्याकरता आवश्यक असलेली सर्व बाबींचा अभ्यास करून मसुदा निविदा तयार करून लेखा लेखा अधिकारी यांच्या छाननीकरता पाठवण्यात यावा तसेच हा विषय गटनेत्यांच्या सभेत ठेवण्याचे निर्देश दिले होते. त्यानुसार हा प्रस्ताव गटनेत्यांच्या सभेपुढे मंजुरीसाठी ठेवला असता त्याला मान्यता दिल्याची माहिती मिळत आहे. त्यामुळे आता या वस्तूसंग्रहालयाच्या देखभालीसाठी नवीन संस्थेची नेमणूक केली जाणार आहे.
भायखळ्यातील राणीबागेत असलेल्य भाऊदाजी लाड वस्तुसंग्रहालय अर्थात म्युझियमची जागा भाडेकरारावर देण्यात आला. परंतु या करारातील अटींचा भंग करत या जागेवर पार्टीचे आयोजन, शुटींग तसेच इतर कार्यक्रम आयोजित केले जात असल्याने मनसेचे तत्कालिन गटनेते संदीप देशपांडे आणि तत्कालिन मनसे नगरसेविका समिता नाईक यांनी याचा करार रद्द करण्याची मागणी केली होती. त्यानुसार याच्या भाडेकरार पुढे वाढवून देण्यात आला नव्हता.