मुंबई (विशेष प्रतिनिधी)
पदपथांवर पादचाऱ्यांना सुलभपणे मार्गक्रमण करता यावे, यासाठी मुंबई महानगरपालिकेकडून ‘पादचारी प्रथम’ अभियान राबविण्यात येत आहे. या अंतर्गत, वाकोला परिसरातील राजेंद्र कांबळे मार्गालगतच्या पदपथावर अडथळा निर्माण करणाऱ्या ३७ अनधिकृत दुकानांवर मंगळवार ११ ऑगस्ट २०२६ रोजी निष्कासनाची कारवाई करण्यात आली. मुंबई महानगरपालिकेच्या ‘एच पूर्व ’ विभागाकडून ही कारवाई करण्यात आली. (Vakola Unauthorized Shops)
उच्च न्यायालयाच्या निर्देशांनुसार, महानगरपालिका आयुक्त आश्विनी भिडे यांच्या मार्गदर्शनात, पदपथांवरील अनधिकृत फेरीवाले व अतिक्रमणे तत्काळ हटवून पदपथ अडथळामुक्त करण्यासाठी मुंबई महानगरपालिकेकडून 'पेडेस्ट्रियन फर्स्ट' अभियान प्रभावीपणे राबविण्यात येत आहे. (Vakola Unauthorized Shops)
- मुंबई महानगरपालिका प्रशासनाकडून मुंबईकरांना आवाहन मुंबई (विशेष प्रतिनिधी) केंद्र शासनाच्या मार्गदर्शक सूचनांनुसार, भारतीय स्वातंत्र्य ...
या पार्श्वभूमीवर, उपायुक्त (परिमंडळ-३) विश्वास मोटे यांच्या मार्गदर्शनात सहायक आयुक्त ( एच पूर्व विभाग) मृदुला अंडे यांच्या नेतृत्वात करण्यात आलेल्या या कारवाईत वाकोला येथील राजेंद्र कांबळे मार्गालगतचे पदपथ मोकळे करण्यात आले. या अंतर्गत, पदपथांवर उभारण्यात आलेले ३७ अनधिकृत दुकाने निष्कासित करण्यात आली. तसेच, पदपथांवर अडथळा निर्माण करणारे साहित्य जप्त करण्यात आले. (Vakola Unauthorized Shops)
- तलावांमधील पाणी अद्यापही ९० टक्क्यांच्या पुढे जाईना मुंबई (विशेष प्रतिनिधी) मुंबई महापालिकेला पाणी पुरवठा करणाऱ्या तलावांमधील पाणीसाठ्याची ...
सुमारे ३१ अधिकारी-कर्मचाऱ्यांसह ०४ वाहने, ०२ डंपर, ०१ जेसीबी आणि अन्य संयंत्राच्या सहाय्याने ही कारवाई करण्यात आली. यावेळी, पुरेसा पोलिस बंदोबस्त तैनात होता. दरम्यान, पादचाऱ्यांसाठी सुलभ पदपथ उपलब्ध करुन देण्यासाठी महानगरपालिकेकडून उपाययोजना केल्या जात आहेत. त्यामुळे, पदपथांवर अडथळा निर्माण होईल, असे अनधिकृत बांधकाम करू नये अथवा साहित्य ठेवू नयेत. असे निदर्शनास आल्यास कठोर कारवाई करण्यात येईल, असे महानगरपालिका प्रशासनाकडून कळविण्यात येत आहे. (Vakola Unauthorized Shops)
