नागपूर : नागपुरातील महाल (Mahal) परिसरातील बडकस चौकात एका व्यक्तीवर चाकूने हल्ला झाल्याची धक्कादायक घटना समोर आली आहे. राष्ट्रीय स्वयंसेवक संघाच्या (RSS) मुख्यालयापासून सुमारे 200 मीटर अंतरावर हा प्रकार घडल्याने परिसरात खळबळ उडाली आहे. विशेष म्हणजे, घटनेच्या काही मिनिटांपूर्वी सरसंघचालक मोहन भागवत यांचा ताफा याच परिसरातून गेला होता. (Nagpur)
मिळालेल्या माहितीनुसार, कोतवाली पोलीस ठाण्याच्या हद्दीतील बडकस चौक परिसरातील एका गल्लीत हा हल्ला झाला. अज्ञात व्यक्तीने अचानक एका व्यक्तीवर चाकूने वार केल्याची माहिती आहे. अचानक घडलेल्या या प्रकारामुळे परिसरात काही काळ भीतीचे वातावरण निर्माण झाले. (RSS Office)
इराण आणि अमेरिका यांच्यातील भू-राजकीय तणाव दिवसेंदिवस तीव्र होत चालला आहे. अमेरिकेचे लष्कर इराणी भूमीवर उतरल्यास त्यांना जशास तसे प्रखर उत्तर दिले ...
हल्ल्यात जखमी झालेल्या व्यक्तीला तातडीने जवळच्या रुग्णालयात उपचारासाठी दाखल करण्यात आले. त्याच्यावर उपचार सुरू असून, प्राथमिक माहितीनुसार त्याची प्रकृती स्थिर आहे. (Crime News)
घटनेची माहिती मिळताच कोतवाली पोलिसांचे अधिकारी घटनास्थळी दाखल झाले. पोलिसांनी परिसरातील सीसीटीव्ही फुटेज तपासण्यास सुरुवात केली असून, हल्लेखोराचा शोध घेण्यासाठी तपास पथके कामाला लागली आहेत. हल्ल्यामागील नेमके कारण अद्याप स्पष्ट झालेले नाही. वैयक्तिक वादातून हा हल्ला झाला की यामागे अन्य काही कारण आहे, याचा तपास पोलीस करत आहेत. (Attack News)
RSS मुख्यालय परिसर हा सुरक्षेच्या दृष्टीने संवेदनशील मानला जातो. त्यातच मोहन भागवत यांचा ताफा या भागातून गेल्यानंतर काही मिनिटांत हल्ल्याची घटना घडल्याने सुरक्षा व्यवस्थेबाबतही प्रश्न उपस्थित झाले आहेत. मात्र, या दोन्ही घटनांचा परस्पर संबंध आहे का, याबाबत सध्या कोणतीही अधिकृत माहिती समोर आलेली नाही. (Nagpur Crime)
भरदिवसा झालेल्या या हल्ल्यामुळे महाल आणि बडकस चौक परिसरातील नागरिकांमध्ये चिंता व्यक्त केली जात असून, आरोपीला लवकरात लवकर अटक करण्याचे आव्हान पोलिसांसमोर आहे.
