Jalgaon : पैसे आणि दागिने चोर पळवतो अशी आपली समजूत असेल तर थांबा ! कारण जळगाव जिल्ह्यात चक्क चोरट्याने बसच पळवली आहे. जिल्ह्यातील राज्य परिवहन महामंडळाच्या जामनेर आगाराची नवी कोरी ‘जिजाऊ’ बस अज्ञात इसमाने मध्यरात्री पळवून नेल्याची खळबळजनक घटना सोमवारी सकाळी उघडकीस आली. या घटनेची चर्चा सध्या जिल्ह्यात सर्वत्र सुरु आहे. (Jalgaon Crime News)
कल्याण : कल्याण पश्चिमेतील बिर्ला महाविद्यालय परिसरातील संदीप हाॅटेल भागात रविवारी दुपारपासून एका पिसाळलेल्या भटक्या श्वानाने प्रचंड दहशत निर्माण ...
नेमकं काय घडलं ?
जामनेर आगाराची (Jamner Depot) एमएच १९, एनई ४२१४ क्रमांकाची ही बस रविवारी रात्री सुमारे अडीच वाजता आगारातून गायब झाली. सोमवारी सकाळी ही बस शहापूर (Shahapur) गावातील ग्रामस्थांना खडकी नदीवरील फरशी पुलावर दिसली. गावातील रस्त्यावर अशा प्रकारे बस उभी असल्याने ग्रामस्थांमध्ये कुतूहल निर्माण झाले. याबाबत गावात चर्चा सुरु झाली. शहापूर गावात जामनेर आगारातील काही चालक व वाहक वास्तव्यास आहेत. फरशी पुलावर बंद अवस्थेत उभ्या असलेल्या बस बाबत माहिती मिळताच त्यांनी तातडीने घटनास्थळी धाव घेतली. बसची पाहणी केल्यानंतर ही बस जामनेर आगाराची असल्याचे समोर आले. त्यानंतर त्यांनी आगार व्यवस्थापक दिनेश नाईक यांना घटनेची माहिती दिली. (Jalgaon Crime News)
नागपूर : नागपुरातील महाल (Mahal) परिसरातील बडकस चौकात एका व्यक्तीवर चाकूने हल्ला झाल्याची धक्कादायक घटना समोर आली आहे. राष्ट्रीय स्वयंसेवक संघाच्या (RSS) ...
जामनेर पोलीस ठाण्यात तक्रार दाखल
प्राथमिक माहितीनुसार, रविवारी रात्री सुमारे अडीच वाजण्याच्या सुमारास अज्ञात इसमाने बस आगारातून बाहेर काढली. नवी कोरी बस घेऊन संशयिताने जामनेर शहरातून शहापूरच्या दिशेने प्रवास केला. मात्र, खडकी नदीवरील फरशी पुलाजवळ बसचे पुढील चाक पंक्चर झाले. त्यानंतर बस पुढे नेता न आल्याने संशयिताने बस तेथेच सोडून दिली आणि घटनास्थळावरून पलायन केले. पळवून नेलेली नवी कोरी ‘जिजाऊ’ बस जामनेर आगारातून जळगाव-नेरी-जळगाव या मार्गावर नियमित धावत असते. प्रवाशांच्या सेवेसाठी वापरली जाणारी बस अशा प्रकारे पळवून नेण्यात आल्याने एसटी प्रशासनातही खळबळ उडाली आहे. दरम्यान, आगार व्यवस्थापक दिनेश नाईक यांच्या तक्रारीवरून जामनेर पोलीस ठाण्यात (Jamner Police Station) अज्ञात इसमाविरुद्ध तक्रार नोंदविण्यात आली आहे. (Jalgaon Crime News)
इराण आणि अमेरिका यांच्यातील भू-राजकीय तणाव दिवसेंदिवस तीव्र होत चालला आहे. अमेरिकेचे लष्कर इराणी भूमीवर उतरल्यास त्यांना जशास तसे प्रखर उत्तर दिले ...
आगाराच्या सुरक्षा व्यवस्थेवर प्रश्नचिन्ह
मात्र जामनेर आगारातून नवी कोरी एसटी बस अशाप्रकारे चोरी झालायने आगाराच्या सुरक्षा व्यवस्थेवर प्रश्नचिन्ह निर्माण झाले आहे. बस आगारातून बाहेर जात असताना संबंधित व्यक्तीची कुणालाही चाहूल कशी लागली नाही, याबाबतही आता चर्चा सुरू झाली आहे. दरम्यान, याबाबत जामनेर पोलीसांकडून (Jamner Police )आधी तपास सुरु आहे.
