India vs Sri Lanka Test Series : भारताच्या श्रीलंका दौऱ्यापूर्वी युवा फलंदाज साई सुदर्शन (Sai Sudharsan) याच्या दुखापतीमुळे चाहत्यांची चिंता वाढली असली, तरी भारतीय संघासाठी दिलासादायक बातमी समोर आली आहे. पायाच्या अंगठ्याला झालेल्या किरकोळ दुखापतीमुळे तो सराव सामन्याला मुकणार असला, तरी १५ ऑगस्टपासून सुरू होणाऱ्या पहिल्या कसोटीपूर्वी श्रीलंकेत संघात सहभागी होईल, असा विश्वास भारतीय संघ व्यवस्थापनाला आहे. (IND vs SLA Test Series)
साई सुदर्शन (Sai Sudharsan) सध्या बंगळुरू येथील बीसीसीआयच्या सेंटर ऑफ एक्सलन्समध्ये वैद्यकीय पथकाच्या देखरेखीखाली पुनर्वसन करत आहे. दुखापतीत सुधारणा होत असून त्याने पुन्हा फलंदाजीचा सराव सुरू केल्याची माहिती समोर आली आहे. भारत आणि श्रीलंका यांच्यातील सराव सामना ७ ते ९ ऑगस्टदरम्यान कोलंबो येथे खेळवला जाणार आहे. सुरुवातीला हा सामना चार दिवसांचा असणार होता, मात्र आता तो तीन दिवसांचा करण्यात आला आहे. सुदर्शन (Sai Sudharsan) या सामन्यात खेळणार नसला, तरी त्याच्या फिटनेसबाबत सकारात्मक संकेत मिळत आहेत. (IND vs SLA Test Series)
मुंबई : भारतीय क्रिकेटमध्ये पुन्हा एकदा वरिष्ठ खेळाडूंच्या निवडीवरून चर्चांना उधाण आले आहे. रोहित शर्माच्या (Rohit Sharma) एकदिवसीय संघातील स्थानावरून ...
भारतीय संघ आधीच श्रीलंकेत दाखल झाला आहे. मात्र सुदर्शन संघासोबत प्रवास करू शकला नाही. वैद्यकीय पथकाकडून अंतिम फिटनेस प्रमाणपत्र मिळाल्यानंतर तो थेट श्रीलंकेत संघात सहभागी होणार असल्याचे सूत्रांनी सांगितले. त्यामुळे गॉल येथे होणाऱ्या पहिल्या कसोटीसाठी त्याची निवड होण्याची शक्यता कायम आहे. (IND vs SLA Test Series)
दरम्यान, सुदर्शन (Sai Sudharsan) वेळेत फिट न झाल्यास देवदत्त पडिक्कल हा पर्याय म्हणून संघ व्यवस्थापनाच्या रडारवर आहे. पडिक्कलने नुकत्याच भारत अ संघाकडून श्रीलंका अ विरुद्धच्या मालिकेत दमदार फलंदाजी करत आपली दावेदारी मजबूत केली आहे. (IND vs SLA Test Series)
नवी दिल्ली : पुरुषांच्या आयसीसी वन डे वर्ल्ड कपच्या पात्रता फेरीच्या तारखा जाहीर झाल्या आहेत. स्पर्धा सुरू होण्यास अद्याप एक वर्षापेक्षा जास्त ...
भारत-श्रीलंका कसोटी मालिकेतील पहिली कसोटी १५ ऑगस्टपासून गॉल, तर दुसरी कसोटी २३ ऑगस्टपासून कोलंबो येथे खेळवली जाणार आहे. वेगवान गोलंदाज जसप्रीत बुमराह दुखापतीमुळे आधीच मालिकेबाहेर असल्याने साई सुदर्शनची उपलब्धता भारतीय संघासाठी अधिक महत्त्वाची मानली जात आहे.
सुदर्शनची दुखापत गंभीर नसल्याने भारतीय संघ व्यवस्थापन आशावादी आहे. सराव सामना गमवावा लागला तरी तो पहिल्या कसोटीसाठी पूर्णपणे तंदुरुस्त होईल, अशी अपेक्षा व्यक्त केली जात असून, त्याच्या पुनरागमनाकडे आता क्रिकेटप्रेमींचे लक्ष लागले आहे. (IND vs SLA Test Series)