नागपूर : नागपुरात (Nagpur) 16 वर्षीय अल्पवयीन मुलीच्या अपहरण आणि गंभीर अत्याचाराच्या प्रकरणाने राज्यभरात खळबळ उडाली आहे. सोशल मीडियावरून झालेल्या ओळखीचा गैरफायदा घेत एका 20 वर्षीय तरुणाने मुलीला धमकावत एका लॉजमध्ये डांबून ठेवले आणि तिच्यावर गंभीर अत्याचार केल्याचा आरोप आहे. या प्रकरणी पोलिसांनी आरोपीला अटक (Arrest) केली असून पुढील तपास सुरू आहे.
पोलिसांच्या माहितीनुसार, पीडित मुलगी आणि आरोपीची ओळख इन्स्टाग्रामवरून झाली होती. सुरुवातीला आरोपीने बनावट नाव सांगून तिच्याशी मैत्री केली. कालांतराने त्याने मुलीला धमकावत तिच्याकडून खासगी स्वरूपाचे फोटो मागितल्याचा आरोप आहे. (Crime News)
Dhule News : शिरपूर-चोपडा मार्गावर भीषण अपघात; दोन जिवलग मित्रांचा जागीच मृत्यू
Dhule News : धुळे जिल्ह्यातुन एक हृदयद्रावक घटना समोर आली आहे. जिल्ह्यातील शिरपूर-चोपडा मार्गावर झालेल्या भीषण अपघातात दोन जिवलग मित्रांचा जागीच मृत्यू ...
तपासादरम्यान समोर आलेल्या माहितीनुसार, आरोपी रविवारी ठाण्यावरून नागपुरात आला आणि तेथील एका लॉजमध्ये खोली घेतली. त्याने मुलीला तिच्या कुटुंबीयांना मारून टाकण्याची धमकी देत भेटण्यासाठी बोलावल्याचा आरोप आहे. भीतीपोटी मुलगी त्याला भेटण्यासाठी गेल्यानंतर तिला जबरदस्तीने लॉजमध्ये नेण्यात आल्याचे पोलिसांचे म्हणणे आहे. (Maharashtra News)
30 तास बांधून ठेवलं अन् ...
पोलिसांच्या प्राथमिक तपासानुसार, मुलीला सुमारे 30 तास खोलीत ठेवण्यात आले. या काळात तिच्यावर गंभीर स्वरूपाचा हल्ला करण्यात आला असून धारदार शस्त्राने जखमी केल्याचा आरोप आहे. जखमी अवस्थेत मुलीची सुटका करण्यात आली असून तिच्यावर रुग्णालयात उपचार सुरू आहेत. (Socail Media)
दरम्यान, मुलीचा मोबाईल अचानक बंद झाल्यानंतर तिच्या कुटुंबीयांनी शोध सुरू केला. वडिलांनी हुडकेश्वर पोलीस ठाण्यात तक्रार दाखल केल्यानंतर पोलिसांनी अपहरणाचा गुन्हा नोंदवून तातडीने तपास सुरू केला. (Nagpur crime)
तांत्रिक तपास, मोबाईल क्रमांक आणि इतर माहितीच्या आधारे पोलिसांनी आरोपीचा माग काढला. आरोपीला अटक करण्यात आली असून त्याच्याकडून पुढील चौकशी सुरू आहे. काही माध्यमांच्या वृत्तांनुसार, पोलिस कारवाईदरम्यान आरोपीने मुलीच्या गळ्याला चाकू लावल्याचाही आरोप आहे. मात्र, या दाव्याबाबत अधिकृत माहिती अद्याप समोर आलेली नाही. (Police Investigation)
या प्रकरणात पीडित अल्पवयीन असल्यामुळे तिची ओळख आणि इतर वैयक्तिक माहिती कायद्यानुसार गोपनीय ठेवण्यात आली आहे. पोलीस या प्रकरणातील सर्व पैलूंचा तपास करत असून संबंधित कायद्यांनुसार पुढील कारवाई केली जात आहे. (Kidnapping)
