Railway Alarm chain pulling : रेल्वेने मेल व एक्स्प्रेस गाड्यांमध्ये दिलेली 'अलार्म चेन पुलिंग' (ACP) ही सुविधा केवळ आपत्कालीन परिस्थितीसाठी आहे. मात्र, अलीकडच्या काळात या अलार्म चेनचा अनावश्यक आणि किरकोळ कारणांसाठी गैरवापर होण्याचे प्रमाण वाढले आहे. अशा प्रत्येक प्रकरणात रेल्वे कायद्यानुसार कठोर कारवाई करण्यात येत असल्याचा इशारा भुसावळ रेल्वे विभागाने दिला आहे.
चुकून किंवा गफलतीने साखळी ओढणे, उशिरा आलेल्या सहप्रवाशाला गाडीत चढता यावे म्हणून ट्रेन थांबवणे, मोबाईल किंवा वस्तू खाली पडल्यामुळे साखळी ओढणे अशा नियमबाह्य कृर्तीमुळे रेल्वे वाहतुकीवर अत्यंत विपरीत परिणाम होतो. या गैरवापरामुळे केवळ त्याच गाडीचे नव्हे, तर मागोमाग येणाऱ्या इतर अनेक गाड्यांचे वेळापत्रक विस्कळीत होते. काही मोजक्या प्रवाशांच्या अनधिकृत सोयीसाठी शेकडो प्रवाशांना विलंब, गैरसोय आणि मनस्ताप सहन करावा लागतो.
- राज्य शासनाचा पुढाकार; 'शबरी नॅचरल्स' ब्रँडचे नाशिकच्या दिंडोरीत प्रक्रिया युनिट मुंबई : राज्यातील आदिवासी महिला आणि शेतकऱ्यांनी उत्पादित केलेल्या ...
एप्रिल ते जुलैदरम्यान ७२२ प्रकरणांची नोंद
भुसावळ विभाग अशा अवास्तव अलार्म चेन पुलिंगच्या घटनांवर सातत्याने बारकाईने लक्ष ठेवून आहे. चालू आर्थिक वर्ष २०२६-२७ मधील एप्रिल ते जुलै २०२६ या अवघ्या चार महिन्यांच्या कालावधीत भुसावळ विभागात अलार्म चेन पुलिंगची एकूण ७२२ प्रकरणे नोंदवण्यात आली आहेत. यांपैकी ६७४ व्यक्तींवर कारवाई करून त्यांना दोषी ठरवण्यात आले असून, त्यांच्याकडून तब्बल २ लाख ३६ हजार ४१० रुपयांचा दंड वसूल करण्यात आला आहे.
Jalgaon Railway : जळगाव जिल्ह्यातील रेल्वे प्रवाशांसाठी एक आनंदाची बातमी आहे. कोयंबतूर–जयपूर साप्ताहिक विशेष एसी एक्स्प्रेस (Coimbatore–Jaipur AC Express) १३ ऑगस्टपासून पुन्हा ...
वेळेवर स्थानकावर पोहोचण्याचे आवाहन
भुसावळ विभागाने प्रवाशांना आवाहन केले आहे की, गाडीच्या निर्धारित वेळेपूर्वीच स्थानकावर पोहोचावे व मर्यादित सामान सोबत ठेवावे. तसेच ज्येष्ठ नागरिक व दिव्यांग प्रवाशांसाठी स्टेशन मॅनेजर कार्यालयात उपलब्ध असलेल्या बॅटरीचलित गाड्या व व्हीलचेअरचा वापर करावा, जेणेकरून वेळेत प्लॅटफॉर्मवर पोहोचून सुरक्षितपणे गाडीत चढता येईल आणि अलार्म चेन ओढण्याची वेळ येणार नाही.
Jalgaon : जळगाव शहरातील शिव कॉलनीतील रेल्वे मार्गावरील समांतर पूल आणि भुयारी मार्गाच्या रखडलेल्या कामाला अखेर गती मिळण्याची चिन्हे दिसत आहेत. मात्र, या ...
कायदेशीर कारवाईचा इशारा
रेल्वे कायदा, १९८९ च्या कलम १४१ नुसार विनाकारण अथवा अनधिकृतपणे अलार्म चेन ओढणे हा दंडनीय गुन्हा आहे. अशा गुन्ह्यासाठी संबंधित व्यक्तीवर कायदेशीर कारवाई करून दंडासह कारावासाच्या शिक्षेची तरतूद आहे.
