Nashik Crime : नाशिकरोड (Nashik Road Police Station) आणि उपनगर पोलीस ठाण्याच्या (Upnagar Police Station) हद्दीत गोळीबार करून दहशत निर्माण करणाऱ्या दोन सराईत गुन्हेगारांना गुन्हे शाखेच्या गुंडा विरोधी पथकाने अटक केली आहे. स्वप्नील उर्फ भूषण सुनील गोसावी आणि आकाश दीपक गायकवाड अशी अटक करण्यात आलेल्या संशयितांची नावे आहेत. दोघा संशयितांकडून एक गावठी कट्टा, चार जिवंत काडतुसे आणि गुन्ह्यात वापरलेली स्कोडा कार (एमएच ३९ जे ३१४७) जप्त करण्यात आली आहे. (Nashik Crime News)
Nashik Crime News : आपत्कालीन परिस्थितीत नागरिकांना तात्काळ मदत मिळावी यासाठी 'डायल 112' ही सुविधा नागरिकांसाठी उपलब्ध करून देण्यात आली आहे. 'डायल 112' च्या मदतीने ...
नेमकं प्रकरण काय ?
नाशिकरोड रेल्वे स्थानकाजवळ स्वप्नील गोसावी आणि साथीदारांनी फिर्यादीला पिस्तूलाचा धाक दाखवून १७ हजार रुपये हिसकावून नेल्याप्रकरणी नाशिकरोड पोलीस ठाण्यात (Nashik Road Police Station) २९ जुलै रोजी रात्री गुन्हा दाखल करण्यात आला होता. त्यानंतर ३० जुलै रोजी मध्यरात्री उपनगर पोलीस ठाण्याच्या हद्दीतील (Upnagar Police Station) जाधव मळा येथे आरोपींनी एका इमारतीच्या पार्किंगमध्ये जाऊन मर्सिडीज कारची तोडफोड केली. विरोध करण्यासाठी आलेल्या फिर्यादीवर स्वप्नील गोसावीने गावठी कट्ट्यातून गोळीबार करून जीवे मारण्याचा प्रयत्न केल्याचा गुन्हाही दाखल करण्यात आला होता. (Nashik Crime News)
Jalgaon : जळगाव जिल्ह्यात एक हृदयद्रावक घटना समोर आली आहे. काळ जवळ आलेल्या एका तरुणाने एकदा मृत्यूला हुलकावणी दिली मात्र त्याच्या एका चुकीने त्याला पुन्हा ...
गोळीबार प्रकरणी दोघे ताब्यात
या गंभीर गुन्ह्यांची दखल घेत संशयितांचा (Suspected) शोध घेताना पोलिसांनी अहिल्यानगर, मालेगाव, छत्रपती संभाजीनगर, संगमनेर, राजूर, अकोले, लोणी आणि कोल्हार परिसरात तपास केला. कोल्हार येथून आरोपी राहुरी साखर कारखान्याकडे स्कोडा कारने जात असल्याची माहिती मिळताच पोलिसांनी पाठलाग करून भरधाव कार अडवली आणि दोघांना ताब्यात घेतले. अंगझडतीत संशयितांकडून १ लाख रुपये किमतीचा गावठी कट्टा, ४ हजार रुपये किमतीची चार जिवंत काडतुसे आणि १० लाख रुपये किमतीची स्कोडा कार असा मुद्देमाल जप्त करण्यात आला, दोन्ही आरोपींना पुढील कारवाईसाठी उपनगर पोलीस ठाण्याच्या ताब्यात देण्यात आले आहे.
