- २०० पेक्षा कमी खाटांच्या रूग्णालयांसाठी निर्णय; पारदर्शक गुणांकनाद्वारे जिल्हा स्तरावर निवड होणार
मुंबई : राज्यातील सार्वजनिक आरोग्य विभागाच्या अखत्यारीतील २०० पेक्षा कमी खाटा असलेल्या सर्व शासकीय, जिल्हा, उपजिल्हा आणि ग्रामीण रुग्णालयांमध्ये रुग्णांना पुरवला जाणारा आहार आता स्थानिक महिला स्वयं-सहाय्यता गटांमार्फत पुरवला जाणार आहे. वैद्यकीय उपचारांसोबत रुग्णांना स्वच्छ, सुरक्षित, पौष्टिक आणि संतुलित आहार वेळेवर मिळावा, तसेच राज्य सरकारच्या महिला धोरण २०२४ ची प्रभावी अंमलबजावणी व्हावी, या दुहेरी उद्देशाने राज्य शासनाने हा महत्त्वपूर्ण निर्णय घेतला आहे. सार्वजनिक आरोग्य विभागाने यासंदर्भात सविस्तर शासन निर्णय (जीआर) जारी केला आहे. (Government Hospital Catering Services)
राष्ट्रवादीच्या कार्यकर्त्यांचे मंत्रालय परिसरात आंदोलन; काँग्रेसने जाहीर माफी मागण्याची मागणी मुंबई : उपमुख्यमंत्री तथा राष्ट्रवादी ...
या नव्या धोरणानुसार, महाराष्ट्र ग्रामीण जीवनोन्नती अभियानांतर्गत नोंदणीकृत असलेल्या आणि अन्नप्रक्रिया किंवा आहार सेवा क्षेत्रातील किमान दोन वर्षांचा अनुभव असलेल्या महिला स्वयं-सहाय्यता गटांना या प्रक्रियेत प्राधान्य दिले जाणार आहे. रुग्णालयाच्या स्थानिक परिसरातील गटांना सामुदायिक स्वयंपाकगृह, उपहारगृह किंवा अन्न पुरवठ्याचा अनुभव असल्यास त्यांना निवडीत विशेष गुण दिले जातील. जिल्हा शल्यचिकित्सकांच्या अध्यक्षतेखाली ही सर्व निवड प्रक्रिया जिल्हा स्तरावर राबवली जाणार आहे. (Government Hospital Catering Services)
महिला स्वयं-सहाय्यता गटांची निवड पूर्णपणे पारदर्शक पद्धतीने व्हावी यासाठी १०० गुणांची विशेष मानांकन प्रणाली निश्चित करण्यात आली आहे. यामध्ये गटाची आजवरची कामगिरी, आहार सेवा उद्योगाचा अनुभव आणि आर्थिक क्षमता या तीन मुख्य निकषांसाठी प्रत्येकी कमाल २५ गुण ठेवण्यात आले आहेत. याशिवाय आवश्यक मनुष्यबळ कौशल्यासाठी १५ गुण आणि गटाची सामाजिक विश्वासार्हता व शिफारसींसाठी १० गुण निश्चित करण्यात आले आहेत. (Government Hospital Catering Services)
- कामगिरीत सुधारणा झाली नाही तर नारळ देणार; पक्षवाढ आणि जनतेच्या कामांकडे दुर्लक्ष केल्याने उपमुख्यमंत्री संतापले मुंबई : स्वपक्षातील चार ...
निकष काय?
गुणवत्तेच्या आधारे तयार करण्यात येणाऱ्या या प्रक्रियेत ८० किंवा त्यापेक्षा जास्त गुण मिळवणाऱ्या पात्र महिला गटांचे अधिकृत पॅनेल तयार केले जाईल. तर ७० ते ७९ गुण मिळवणाऱ्या गटांचा समावेश प्रतीक्षा यादीत केला जाणार आहे. या निर्णयामुळे शासकीय रुग्णालयांतील आहाराचा दर्जा सुधारण्यास मदत होणार असून, ग्रामीण व निमशहरी भागातील महिला गटांना शाश्वत रोजगाराची आणि आर्थिक सक्षमतेची मोठी संधी उपलब्ध होणार आहे. (Government Hospital Catering Services)
