शिर्डी: साईभक्तांसाठी एक अत्यंत आनंदाची आणि महत्त्वाची बातमी समोर आली आहे. साईबाबांच्या हयातीतील आणि गेल्या ११४ वर्षांपासून वस्तुसंग्रहालयात जतन करून ठेवलेल्या ऐतिहासिक मूर्ती आता स्वतंत्र मंदिरात दर्शनासाठी उपलब्ध होणार आहेत. साईबाबा संस्थानने घेतलेल्या या ऐतिहासिक निर्णयामुळे शिर्डीत लवकरच प्रभू श्रीराम आणि श्रीकृष्णाच्या मूर्तींची प्रतिष्ठापना केली जाणार असून, यासाठी लेंडी बाग परिसरात दोन स्वतंत्र मंदिरे उभारली जाणार आहेत.
मुंबई : पवित्र श्रावण महिन्यातील पहिल्याच सोमवारी (३ ऑगस्ट २०२६) संपूर्ण मुंबई शहर शिवभक्तीत चिंब भिजल्याचे पाहायला मिळाले. श्रावणातील पहिल्या ...
काय आहे नेमका इतिहास आणि दुहेरी योग?
साईबाबा देहधारी असताना नागपूरचे भक्त गोपाळराव बुटी यांनी शिर्डीत दगडी वाडा (आजचे समाधी मंदिर) बांधला होता. त्याच काळात साईबाबांच्या हस्ते श्रीराम आणि श्रीकृष्णाच्या मूर्तींची प्रतिष्ठापना करण्याचे निश्चित करण्यात आले होते. यासाठी नागपूरहून या मूर्ती शिर्डीत आणण्यातही आल्या होत्या.
महसूलमंत्री चंद्रशेखर बावनकुळे कॅबिनेटमध्ये प्रस्ताव आणणार https://prahaar.in/2026/08/03/rajya-sabha-passes-msme-amendment-bill-2026-delayed-payments-and-dispute-resolution-to-get-a-boost/ मुंबई : सिंधुदुर्ग जिल्ह्याचा ...
परंतु, मूर्तींची प्रतिष्ठापना होण्यापूर्वीच साईबाबांचे महापरिनिर्वाण झाले. त्यानंतर भाविकांच्या आग्रहास्तव बुटी वाड्यातच साईबाबांचे पवित्र समाधीस्थळ उभारण्यात आले. परिणामी, या मूर्तींची नियोजित प्रतिष्ठापना होऊ शकली नाही. तेव्हापासून म्हणजेच सुमारे ११४ दशकांहून अधिक काळ या अमूल्य आणि ऐतिहासिक मूर्ती साई संस्थानच्या वस्तुसंग्रहालयात अत्यंत सुरक्षितपणे जतन करून ठेवल्या होत्या.
नोएडा : ऑनलाईन शॉपिंग (Online Shopping Scam) करणाऱ्यांसाठी अत्यंत महत्त्वाची बातमी समोर आली आहे. अॅमेझॉन, फ्लिपकार्टसह प्रमुख ई-कॉमर्स कंपन्यांच्या पार्सलमध्ये ...
मंदिरांच्या उभारणीमागील मुख्य उद्देश
साई संस्थानच्या माहितीनुसार, साईबाबांच्या काळाशी जोडलेला हा वारसा जतन करणे हा यामागचा प्रमुख उद्देश आहे. तसेच, भविष्यात शिर्डीत श्रीराम नवमी आणि गोकुळाष्टमी हे दोन्ही उत्सव मंदिर परिसरात अधिक भक्तिभाव आणि उत्साहात साजरे करता यावेत, यासाठी हा निर्णय घेण्यात आला आहे. लेंडी बाग परिसरात होणाऱ्या या दोन स्वतंत्र मंदिरांच्या निर्मितीमुळे शिर्डीच्या वैभवात आणखी भर पडणार असून, साईभक्तांना एकाच वेळी साईदर्शन आणि राम-कृष्णाच्या मूर्तींचे दर्शन घेण्याचा दुहेरी योग लाभणार आहे. या निर्णयाचे देशभरातील साईभक्तांकडून स्वागत होत आहे.
