ग्लासगो : राष्ट्रकुल खेळ २०२६ च्या दहाव्या दिवशी भारतीय खेळाडूंनी चमकदार कामगिरी सुरूच ठेवली आहे. रिंगण गाजवत भारतीय बॉक्सर प्रीती पवार आणि जास्मिन लांबोरिया यांनी देशाला दोन सुवर्णपदके मिळवून दिली आहेत. बॉक्सिंगमधील या दणदणीत यशासोबतच ॲथलेटिक्समध्येही भारताने आपले वर्चस्व सिद्ध केले आहे.
ॲथलेटिक्समध्ये तिहेरी उडीची कमाल : भारताला रौप्य आणि कांस्यपदक
पुरुष गटाच्या 'ट्रिपल जंप' स्पर्धेत भारतीय खेळाडूंनी शानदार कामगिरी केली. प्रवीण चित्रावेल याने अप्रतिम उडी मारत भारतासाठी रौप्यपदक पटकावले, तर याच स्पर्धेत सेल्वा प्रभू तिरुमारन याने कांस्यपदक जिंकून भारताच्या खात्यात आणखी एका पदकाची भर घातली.
भारताची एकूण पदकसंख्या २७ वर !
या नव्या विजयांसह भारताच्या एकूण पदकांची संख्या आता २७ वर पोहोचली असून यामध्ये ७ सुवर्णपदकांचा समावेश आहे. दहाव्या दिवशीही बॉक्सर, ज्युडोपटू आणि ॲथलीट्स मैदानात उतरणार असून पदकांची ही संख्या आणखी वाढण्याची मोठी शक्यता आहे. विशेष म्हणजे, आज रात्री भारताचे आणखी ८ बॉक्सर सुवर्णपदकाच्या शर्यतीत उतरणार आहेत.
पुणे : लोकमान्य टिळक राष्ट्रीय पुरस्कार सोहळ्यात मुख्यमंत्री देवेंद्र फडणवीस (Devendra Fadnavis) यांनी केंद्रीय गृहमंत्री अमित शाह आणि राष्ट्रीय सुरक्षा ...
आज होणारे भारताचे महत्त्वाचे सामने (Schedule) :
पॅरा ॲथलेटिक्स व ट्रॅक सायकलिंग :
सुरू असलेली स्पर्धा: शुभम जुयाल आणि सोमन राणा — पुरुष F57 शॉट पुट फायनल (पदकाचा सामना)
दुपारी ४:१९: दिनेश कुमार आणि हर्षवीर सिंग सेखॉन — पुरुष १० किमी स्क्रॅच रेस (पात्रता फेरी)
बॉक्सिंग फायनल्स (सुवर्णपदकाचे सामने) :
- दुपारी ४:४५: जादुमणी सिंग विरुद्ध जाय डिक्सन (ऑस्ट्रेलिया) — पुरुष ५५ किलो वजनी गट
- रात्री ९:००: साक्षी चौधरी विरुद्ध रुबी व्हाईट (इंग्लंड) — महिला ५१ किलो वजनी गट
- रात्री ९:१५: प्रिया घंघास विरुद्ध मारी-बथौल अल-अहमदिया (कॅनडा) — महिला ६० किलो वजनी गट
- रात्री ९:४५: अरुंधती चौधरी विरुद्ध चँटेल रीड (इंग्लंड) — महिला ७० किलो वजनी गट
- रात्री १०:१५: लव्हलिना बोर्गोहेन विरुद्ध एम्मा सू ग्रीनट्री (ऑस्ट्रेलिया) — महिला ७५ किलो वजनी गट
- रात्री १०:४५: सचिन सिवाच विरुद्ध ट्रायअगेन मॉर्निंग न्डेव्हेलो (नामिबिया) — पुरुष ६० किलो वजनी गट
- रात्री ११:१५: अंकुश पंगहाल विरुद्ध डिमेजी शिट्टू (इंग्लंड) — पुरुष ८० किलो वजनी गट
- रात्री ११:४५: नरेंद्र बेरवाल विरुद्ध डमार थॉमस (इंग्लंड) — पुरुष ९०+ किलो वजनी गट
ॲथलेटिक्स फायनल्स (पदकाचे सामने) :
- रात्री ११:३५: देव मीना आणि कुलदीप कुमार — पुरुष पोल वॉल्ट फायनल
- मध्यरात्री १२:१५: गुलवीर सिंग — पुरुष ५००० मीटर फायनल
