स्कॉटलंडमधील ग्लासगो येथे सुरू असलेल्या राष्ट्रकुल क्रीडा स्पर्धा २०२६ मध्ये भारतीय खेळाडूंनी आपली शानदार लय कायम ठेवली आहे. पुरुषांच्या ११०+ किलो वजनी गटाच्या वेटलिफ्टिंग प्रकारात भारताचा २८ वर्षीय वेटलिफ्टर लव्हप्रीत सिंग याने अतिशय रोमांचक लढतीत रौप्य पदक आपल्या नावावर केले आहे. विशेष म्हणजे, स्नॅच प्रकारात १७६ किलो वजनाचा राष्ट्रीय/स्पर्धा विक्रम नोंदवत त्याने हे यश मिळवले आहे.
गाझा (Gaza) संघर्ष संपवण्याच्या दिशेने महत्त्वाची घडामोड समोर आली आहे. हमास (Hamas) आणि इस्रायल (Israel) यांच्यात व्यापक शांतता करार (Peace Agreement) झाल्याचा दावा करण्यात ...
स्पर्धेच्या संपूर्ण कालावधीत लव्हप्रीत अत्यंत संतुलित आणि आक्रमक खेळ दाखवला. स्नॅचमध्ये १७६ किलो आणि क्लीन अँड जर्कमध्ये २१२ किलो असे एकूण ३८८ किलो वजन उचलत त्याने दमदार प्रदर्शन केले. एका वेळेस लव्हप्रीतने न्यूझीलंडच्या डेव्हिड अँड्र्यू लिट्टीवर तब्बल १५ किलोची मोठी आघाडी घेतली होती, ज्यामुळे तो सुवर्णपदक जिंकेल असे स्पष्ट दिसत होते. मात्र, न्यूझीलंडच्या खेळाडूने आपल्या शेवटच्या प्रयत्नांत जबरदस्त पुनरागमन करत एकूण ३८९ किलो वजन उचलले आणि अवघ्या एका किलोच्या फरकाने लवप्रीतचे सुवर्णपदक थोडक्यात हुकले.
स्कॉटलंडमधील ग्लासगो येथे सुरू असलेल्या राष्ट्रकुल क्रीडा स्पर्धा २०२६ मध्ये भारताच्या खेळाडूंनी आपली चमकदार कामगिरी सुरूच ठेवली आहे. महिलांच्या ...
यापूर्वी २०२२ च्या राष्ट्रकुल क्रीडा स्पर्धेत लव्हप्रीतने कांस्य पदक जिंकले होते. या वेळी आपल्या पदकाचा रंग बदलत त्याने रौप्य पदकास गवसणी घातली आहे. या ऐतिहासिक विजयासह २०२६ च्या राष्ट्रकुल क्रीडा स्पर्धेत भारताच्या एकूण पदकांची संख्या १७ वर पोहोचली आहे. तसेच, भारताने या स्पर्धेत आतापर्यंत वेटलिफ्टिंग आणि पॅरा-पॉवरलिफ्टिंगमध्ये एकूण ९ पदके (१ सुवर्ण, ६ रौप्य आणि २ कांस्य) पटकावली आहेत. अवघ्या एका किलोने सुवर्णपदक हुकले असले, तरी लवप्रीत सिंगच्या या जिद्दी आणि प्रेरणादायी कामगिरीने संपूर्ण देशाची मान अभिमानाने उंचावली आहे.
