Bhiwandi Building Collapse : भिवंडीतील इमारत दुर्घटनेत मृतांचा आकडा ८ वर; दोन मृतांची अद्याप ओळख पटलेली नाही, बचावकार्य सुरू

भिवंडी : भिवंडीतील भंडारी कंपाऊंड परिसरातील गंगाराम वाडी येथे चार मजली निवासी इमारतीचा मोठा भाग कोसळून झालेल्या भीषण दुर्घटनेतील मृतांचा आकडा वाढून 8 वर पोहोचला आहे. सकाळी ९:३० वाजेपर्यंत सात मृतदेह आयजीएम (IGM) रुग्णालयात (Hospital) आणण्यात आले होते. त्यानंतर बचाव पथकाला (Rescue Team) आणखी एक मृतदेह सापडला असून, मृतांची संख्या आता आठ झाली आहे.

मृतांमध्ये शमीम शेख (३२), रंजीत सिंग (४५), मिराज रसूल शेख (३४), संतोष कुमार पांडे (४२) आणि शमीम अन्सारी (३०) यांची ओळख पटली आहे. तर दोन मृतांची ओळख अद्याप पटलेली नाही.



घटनेची माहिती मिळताच अग्निशामक दल (Fire Brigade), पोलीस (Police) आणि राष्ट्रीय आपत्ती प्रतिसाद दल (National Disaster Response Force – NDRF) घटनास्थळी दाखल झाले. ढिगाऱ्याखाली (Debris) आणखी नागरिक अडकल्याची शक्यता लक्षात घेऊन बचावकार्य (Rescue Operation) युद्धपातळीवर सुरू असून, परिसरात शोधमोहीम सुरू आहे.

प्रशासनाकडून नागरिकांना घटनास्थळी गर्दी न करण्याचे आणि अधिकृत माहितीलाच (Official Information) प्राधान्य देण्याचे आवाहन करण्यात आले आहे. बचावकार्य पूर्ण झाल्यानंतर मृतांचा आणि जखमींचा अंतिम आकडा स्पष्ट होण्याची शक्यता आहे.