Nashik Crime News : सायबर गुन्हेगार आता केवळ ओटीपी किंवा लिंक पाठवूनच नाही, तर कंपनीच्या सीईओचं बनावट प्रोफाइल तयार करूनही लाखोंची फसवणूक करण्याचा प्रयत्न करत आहेत. नाशिकमधील एका नामांकित आयटी कंपनीसोबत असाच धक्कादायक प्रकार घडला आहे. मायक्रोसॉफ्ट टीम्सवर सीईओचा बनावट आयडी तयार करून तब्बल ९६ लाख रुपये दुसऱ्या खात्यात वर्ग करण्यास भाग पाडण्यात आलं. मात्र कंपनीच्या सतर्कतेमुळे मोठा आर्थिक फटका टळला.याप्रकरणी नाशिक शहर सायबर पोलीस ठाण्यात (Cyber Police Station) अज्ञातांविरोधात गुन्हा दाखल करण्यात आला आहे. गंगापूर रोड परिसरातील प्रतिष्ठित ‘रेस सॉफ्टवेअर अँड एज्युकेशन टेक्नॉलॉजिज प्रा. लि.’ या कंपनीचे संचालक सुरेश चंद्र मल्होत्रा (वय ८८) यांनी या प्रकरणी सायबर पोलिसांत फिर्याद दिली आहे. ( Nashik Crime News )
Shalarth ID Scam: राज्यभरात खळबळ उडवून देणाऱ्या बहुचर्चित 'शालार्थ आयडी' घोटाळ्यात (Shalarth ID Scam) आतापर्यंतची सर्वात मोठी आणि धडक कारवाई करण्यात आली आहे. या ...
नेमकं प्रकरण काय ?
२२ जुलै रोजी कंपनीचे मुख्य संचालक (डायरेक्टर) राहुल मल्होत्रा (Rahul Malhotra) हे कामानिमित्त अमेरिकेत असताना सायबर भामट्याने त्यांच्या नावाने मायक्रोसॉफ्ट टीम्सवर हुबेहूब बनावट प्रोफाइल तयार केलं. या प्रोफाइलवरून कंपनीच्या अकाउंट्स हेड अंजली मुळे यांच्याशी संपर्क साधत, "मी सरकारी प्रकल्पाच्या महत्त्वाच्या बैठकीत आहे," असा बनाव रचण्यात आला. त्यानंतर गोपनीय व्यवहार असल्याचं सांगत कोटक महिंद्रा बँकेच्या उडुपी शाखेतील एका खात्यावर तातडीने ९६ लाख रुपये आरटीजीएसद्वारे पाठवण्याच्या सूचना देण्यात आल्या. ( Nashik Crime News )
Nashik Simhastha Kumbh Mela : नाशिक-त्र्यंबकेश्वर सिंहस्थ कुंभमेळा २०२७ च्या तयारीला आता वेग आला आहे. रस्ते, घाट, वाहतूक, विमानतळ, रेल्वे, स्वयंसेवक आणि गर्दी व्यवस्थापन ...
फसवणुकीचा प्रकार 'असा' उघडकीस
अंजली मुळे यांनी थेट फोनवर बोलण्याची विनंती केली असता, बैठकीत असल्याचं कारण देत आरोपीने संभाषण टाळलं आणि तातडीचा दबाव निर्माण केला. सीईओंच्याच सूचना असल्याचा समज झाल्याने आवश्यक प्रक्रिया पूर्ण करून बँकेत आरटीजीएस फॉर्म जमा करण्यात आला. व्यवहारानंतर संशय आल्याने अंजली मुळे यांनी राहुल मल्होत्रा यांच्या मूळ व्हॉट्सॲप क्रमांकावर संपर्क साधण्याचा प्रयत्न केला. त्यावेळी फसवणुकीचा प्रकार उघडकीस आला. त्यांनी तातडीने बँकेशी संपर्क साधून व्यवहार रोखण्याची आणि रक्कम गोठवण्याची विनंती केली. कंपनी आणि बँकेच्या तत्परतेमुळे मोठा आर्थिक अनर्थ टळला. ( Nashik Crime News )
Nashik : गंगापूर धरणातून (Gangapur Dam) सोडण्यात येणाऱ्या पाण्याच्या विसर्गात मंगळवारी (दि. २८) दुपारी ४ वाजता मोठी वाढ करण्यात आली आहे. दुपारी ४ वाजल्यापासून ...
अज्ञात आरोपीविरोधात गुन्हा
या प्रकरणी कंपनीचे संचालक सुरेश चंद्र मल्होत्रा यांनी नाशिक शहर सायबर पोलीस ठाण्यात तक्रार दाखल केली आहे. भारतीय न्याय संहिता आणि माहिती तंत्रज्ञान कायद्यानुसार अज्ञात आरोपीविरोधात गुन्हा नोंदवण्यात आला असून, वरिष्ठ पोलीस निरीक्षक सुशीला कोल्हे या प्रकरणाचा पुढील तपास करत आहेत. दरम्यान एक छोटी चूक कंपनीला किती महागात पडली असती हे या घटनेतून दिसून येत.
