- व्हायरल व्हिडिओवर मुंबई पोलिसांचे स्पष्टीकरण
मुंबई : मुंबईतील विद्यार्थी आंदोलनादरम्यान साध्या वेशातील पोलीस कर्मचाऱ्याने एका महिला आंदोलकाशी गैरवर्तन केल्याचा आरोप करणारा व्हिडिओ सोशल मीडियावर प्रचंड व्हायरल झाला होता. मात्र, या व्हिडिओवर मुंबई पोलिसांनी स्पष्टीकरण दिले असून संबंधित कर्मचाऱ्याकडून कोणतेही गैरवर्तन झाले नसल्याचा दावा केला आहे. व्हिडिओमधील दृश्याचा चुकीचा आणि दिशाभूल करणारा अर्थ लावला जात असल्याचे पोलीस प्रशासनाकडून स्पष्ट करण्यात आले आहे. (Mumbai Police)
बीड (Beed) जिल्ह्यातील शिदोड गावातून एक काळीज पिवटाळून टाकणारी घटना समोर आली आहे. 25 वर्षीय विवाहित महिलेने आपल्या 4 वर्षांच्या मुलीसह विहिरीत उडी घेत ...
पोलिसांनी दिलेल्या माहितीनुसार, दादर येथील शिवाजी पार्क पोलीस ठाण्यात (Shivaj Park Police Station) कार्यरत असलेले पोलीस हवालदार दीपक बल्लाळ हे आंदोलन संपल्यानंतर आंदोलकांना पुन्हा भडकावणाऱ्या एका पुरुष आंदोलकाला ताब्यात घेण्याचा प्रयत्न करत होते. दीपक बल्लाळ हे एका दिशेला पाहून त्या आंदोलकाच्या कॉलरला पकडत असतानाच, अटकाव (Arrest) करण्याच्या उद्देशाने संबंधित तरुणी अचानक त्यांच्या मार्गात आली. पोलीस अधिकारी दुसऱ्या दिशेला पाहत असल्याने हा प्रकार घडला असून, सोशल मीडियावर केला जाणारा दावा चुकीचा आहे. वरिष्ठ अधिकाऱ्यांनी संपूर्ण घटनेची सखोल पडताळणी व व्हिडिओचे बारकाईने परीक्षण करूनच वस्तुस्थिती समोर आणल्याचे मुंबई पोलीस उपायुक्त कार्यालयाकडून स्पष्ट करण्यात आले.
विरोधकांचे आरोप काय?Ma’am, please note, this is being irresponsibly misinterpreted- the official, while managing law & order there, was trying to hold on to a male protestor when a lady unknowingly stepped in between, while he was looking away- Being a public figure, you are expected to verify… https://t.co/xwVqirsYf1
— मुंबई पोलीस Mumbai Police (@MumbaiPolice) July 24, 2026
तत्पूर्वी, हा व्हिडिओ समोर आल्यानंतर राजकीय वर्तुळातून तीव्र प्रतिक्रिया उमटल्या होत्या. राष्ट्रवादी काँग्रेसचे (शरदचंद्र पवार) आमदार रोहित पवार यांनी या प्रकारावर संताप व्यक्त करत, “स्वतःच्या मुलीच्या वयाच्या तरुणीशी असे कृत्य करणाऱ्यावर तातडीने विनयभंगाचा गुन्हा दाखल करून त्याला पोलीस दलातून बडतर्फ करा,” अशी मागणी केली होती. तसेच, मुंबई काँग्रेसच्या अध्यक्षा खासदार वर्षा गायकवाड आणि आमदार जितेंद्र आव्हाड यांनीही या व्हिडिओवरून राज्य सरकार आणि पोलिसांच्या कारवाईच्या पद्धतीवर टीका केली होती. मात्र, पोलिसांच्या स्पष्टीकरणानंतर या दाव्यांमधील हवा निघून गेली असून कोणत्याही निष्कर्षावर पोहोचण्यापूर्वी तथ्यांची पडताळणी करण्याचे आवाहन मुंबई पोलिसांनी नागरिकांना केले आहे.
