Nashik : नाशिकमधील एका भाजप आमदाराचं WhatsApp हॅक झाल्याची घटना घडली आहे. तुमची शॉपिंग डिलिव्हरी आली आहे. तुमचा पत्ता सांगण्यासाठी या नंबरवर डायल करा, असा फोन नाशिकच्या भाजपा आमदार सीमा हिरे (MLA Seema Hire) यांना आला, त्यांनी त्या नंबरवर फोन केल्यानंतर प्रतिसाद तर मिळाला नाहीच परंतु WhatsApp हॅक करून त्यांच्या नावाने अनेकांकडून पैसे मागण्याचा धक्कादायक प्रकार उघडकीस आला आहे.
मुंबई : मुंबईची जीवन वाहिनी मानल्या जाणाऱ्या मध्य रेल्वेच्या (Central Railway) मुख्य मार्गावरून दररोज प्रवास करणाऱ्या लाखो प्रवाशांसाठी एक अत्यंत दिलासादायक ...
नेमकं प्रकरण काय ?
आमदार सीमा हिरे (MLA Seema Hire) आणि त्यांचे पती महेश हिरे बुधवारी (दि.२२) मंत्रालयात होते. दरम्यान आमदार सीमा हिरे यांना एक विदेशी फोन आला आणि त्या व्यक्तीने सीमा हिरे यांना तुमच्याकडे शॉपिंग पार्सल द्यायचे आहे, तुमचा पत्ता सापडत नाही, तुम्ही या नंबरवर फोन करून पत्ता सांगा, असे सांगितले. घरातून कोणी ऑनलाइन शॉपिंग केले असेल आणि त्याचे पार्सल आले असेल असे वाटल्याने आमदार हिरे यांनी दिलेल्या नंबरवर पत्ता सांगण्यासाठी फोन केला.
'नीड यूवर हेल्प'
मात्र इथेच मोठा घोळ झाला. आमदार हिरे यांनी दिलेल्या नंबरवर पत्ता सांगण्यासाठी फोन केला त्यावेळेस संबंधिताने नंबर कट केला आणि त्या माध्यमातूनच हिरे यांचे WhatsApp हॅक केले. धक्कादायक म्हणजे त्यानंतर संबंधिताने WhatsApp वरून अनेकांना 'नीड यूवर हेल्प' असे मेसेज पाठवले आणि थेट पैशांची मागणी करण्यास सुरुवात केली.
Nashik : गंगापूर धरणातून (Gangapur Dam) सुरू असलेल्या पाण्याच्या विसर्गात वाढ करण्यात आली असून, गुरुवार (23 जुलै) सकाळी 11 वाजल्यापासून विसर्ग 6,354 क्यूसेक्सवरून 7,413 ...
मरिन ड्राइव्ह पोलिसांकडे तक्रार
काही क्षणातच आमदार हिरे आणि महेश हिरे यांना याबाबत फोन सुरू झाले. त्यामुळे ते सतर्क झाले आणि त्यांनी फेसबुकवर आपला WhatsApp नंबर हॅक झाला असून, कोणीही पैसे देऊ नये, असे आवाहन केले. या प्रकारानंतर आमदार हिरे यांनी तातडीने मुंबईतील मरिन ड्राइव्ह पोलिसांकडे (Marine Drive Police) तक्रार केली आहे. अशा फेक मेसेजला प्रतिसाद देऊ नये, असे आवाहन आमदार हिरे यांनी केले आहे.
दरम्यान, आमदार सीमा हिरे यांचे WhatsAppअकाउंट हॅक झाले होते. त्यामुळे पोलिसांत तक्रार केली आहे. दिवसभरात तीनशे ते चारशे फोन आले. पैसे मागणाऱ्यांना प्रतिसाद देऊ नये. तसेच कोणालाही फसवणुकीचे फोन आल्यास काळजी घ्यावी. असे आवाहन महेश हिरे यांनी केले आहे.
