T20 Series : इंग्लंड दौऱ्यात अपेक्षित कामगिरी करता न आल्याने युवा फलंदाज वैभव सूर्यवंशी आता झिम्बाब्वेविरुद्धच्या टी-२० मालिकेत दमदार पुनरागमन करण्याच्या तयारीत आहे. इंग्लंडविरुद्धच्या तीन टी-२० सामन्यांत त्याला केवळ ४२ धावा करता आल्या होत्या. त्यामुळे आगामी मालिकेत मोठी खेळी करून स्वतःला सिद्ध करण्याचे त्याच्यासमोर मोठे आव्हान आहे. (T 20 Series)
झिम्बाब्वेविरुद्ध ( Zimbabwe Tour) २३, २५ आणि २६ जुलै रोजी हरारे येथे होणाऱ्या तीन टी-२० सामन्यांच्या मालिकेत वैभवकडे एक मोठा विश्वविक्रम करण्याची संधी आहे. टी-२० क्रिकेटमध्ये सर्वात कमी डावांत १५० षटकार पूर्ण करणारा फलंदाज बनण्यासाठी त्याला या मालिकेत आणखी ११ षटकारांची गरज आहे. सध्या त्याच्या नावावर ३७ डावांत १३९ षटकारांची नोंद आहे.
सध्या हा विक्रम संयुक्त अरब अमिरातीचा फलंदाज मोहम्मद वसीमच्या नावावर आहे. त्याने ६६ डावांत १५० षटकारांचा टप्पा गाठला होता. त्यानंतर वेस्ट इंडिजचा एविन लुईस (७० डाव) आणि ख्रिस गेल (७२ डाव) यांचा क्रमांक लागतो. वैभवने या मालिकेत ११ षटकार मारले, तर तो अवघ्या ४० डावांत १५० षटकार पूर्ण करत या दिग्गजांना मागे टाकू शकतो. ( Vaibhav Suryavanshi)
इंग्लंड दौऱ्यानंतर वैभवने आपल्या खेळातील कमतरता दूर करण्यासाठी विशेष मेहनत घेतली आहे. राजस्थान रॉयल्सच्या सराव शिबिरात त्याने शॉर्ट बॉलविरुद्ध फलंदाजीवर अधिक भर दिला. इंग्लंडमध्ये तो अनेकदा अशाच चेंडूंवर बाद झाला होता. त्यामुळे झिम्बाब्वे दौऱ्यात त्याच्या या तयारीचा किती फायदा होतो, याकडे क्रिकेट चाहत्यांचे लक्ष लागले आहे. (World Record)
सामनाचे वेळापत्रक
भारत आणि झिम्बाब्वे यांच्यातील तिन्ही टी-२० सामने हरारे स्पोर्ट्स क्लब येथे खेळवले जाणार असून सर्व सामने भारतीय वेळेनुसार दुपारी ४:३० वाजता सुरू होतील. या मालिकेत वैभव सूर्यवंशीची कामगिरी आणि संभाव्य विश्वविक्रम हे भारतीय चाहत्यांसाठी विशेष आकर्षण ठरणार आहे.
Team India Zimbhave Tour : भारताचा युके दौरा संपला;आता झिम्बाब्वेविरुद्धचे पुढचे सामने कधी ?
मुंबई : इंग्लंड दौऱ्यात निराशाजनक कामगिरीनंतर भारतासमोर आता झिम्बाब्वेविरुद्ध पुनरागमन करण्याची संधी आहे. भारताच्या झिम्बाब्वेदौऱ्याची सुरुवात २३ ...
Maharashtra CM Devendra Fadnavis : महाराष्ट्राच्या उज्ज्वल भविष्याचे शिल्पकार... मा.मुख्यमंत्री श्री.देवेंद्रजी फडणवीस!
मुख्यमंत्री देवेंद्र फडणवीस यांना वाढदिवसाच्या शुभेच्छा देण्यासाठी मंत्री नितेश राणे यांनी लिहिलेलं पत्र जसंच्या तसं... राजकारणात सत्तेची खुर्ची ...
| सामना | तारीख | स्थळ | वेळ (IST) |
| पहिला टी२० आंतरराष्ट्रीय | २३ जुलै, २०२६ (गुरुवार) | हरारे स्पोर्ट्स क्लब, हरारे | दुपारी ४:३० वाजता |
| दुसरा टी२० | २५ जुलै, २०२६ (शनिवार) | हरारे स्पोर्ट्स क्लब, हरारे | दुपारी ४:३० वाजता |
| तिसरा टी२० आंतरराष्ट्रीय | २६ जुलै, २०२६ (रविवार) | हरारे स्पोर्ट्स क्लब, हरारे | दुपारी ४:३० वाजता |
