Nashik-Trimbakeshwar Kumbh Mela : १२ वर्षानंतर नाशिकमध्ये होणारा नाशिक-त्र्यंबकेश्वर सिंहस्थ कुंभमेळा हा केवळ धार्मिक आणि आध्यात्मिक सोहळा न राहता याव्दारे स्थानिकांना देखील त्याचा लाभ व्हावा यासाठी प्रशासनाकडून प्रयत्न करण्यात येत आहे. आता अशी संधी विद्यार्थ्यांनाही उपलब्ध होणार आहे. (Nashik-Trimbakeshwar Kumbh Mela)
नाशिकचे जिल्हाधिकारी आयुष प्रसाद यांनी सिम्बायोसिस इन्स्टिट्यूट ऑफ ऑपरेशन्स मॅनेजमेंट (एसआयओएम) येथे आयोजित ‘सुशासन, अर्थव्यवस्था आणि कुंभ व्यवस्थापन’ या विशेष परिसंवादात प्रमुख वक्ते म्हणून यासंदर्भात माहिती दिली. जिल्हाधिकारी प्रसाद यांनी, देशाच्या प्रगतीचे मोजमाप केवळ जीडीपी किंवा बाजारमूल्यावर न करता समाजातील संधी व संसाधनांचे समान वितरण कितपत झाले, यावरही केले गेले पाहिजे, असे सांगून ‘जिनी गुणांक’ या संकल्पनेचा संदर्भ देत समावेशक विकासाचे महत्त्व मांडले. आगामी सिंहस्थ कुंभमेळ्याच्या संदर्भात प्रसाद यांनी कुंभमेळा हा अध्यात्म, अर्थव्यवस्था आणि आधुनिक ऑपरेशन्स मॅनेजमेंट यांचा संगम असल्याचे सांगितले. (Nashik-Trimbakeshwar Kumbh Mela)
Nashik Kumbhmela : सिंहस्थ कुंभमेळा २०२७च्या पार्श्वभूमीवर नाशिक शहरातील वाहतूक अधिक सुरक्षित आणि सुरळीत करण्यासाठी महापालिकेने मोठा निर्णय घेतला आहे. ...
तसेच कुंभमेळ्याच्या यशस्वी आयोजनासाठी विविध शासकीय विभाग, स्थानिक स्वराज्य संस्था आणि इतर भागधारकांमधील प्रभावी समन्वय अत्यावश्यक असल्याचे अधोरेखित केले. संशोधन, सल्लागार प्रकल्प आणि नाविन्यपूर्ण उपाययोजनांच्या माध्यमातून कुंभमेळ्याशी संबंधित प्रत्यक्ष प्रशासकीय आव्हानांवर काम करण्याचे आवाहन जिल्हाधिकारी प्रसाद यांनी विद्यार्थ्यांना केले. जीआयएस, मॅटलॅब, एसपीएसएस आणि ट्रॅफिक सिम्युलेशन यांसारख्या आधुनिक विश्लेषणात्मक साधनांचा प्रभावी वापर करण्यावर त्यांनी भर दिला. तसेच नाशिक-त्र्यंबकेश्वर सिंहस्थ कुंभमेळा प्राधिकरणामार्फत विद्यार्थ्यांना इंटर्नशिप आणि सल्लागार प्रकल्पांच्या संधी उपलब्ध करून दिल्या जाणार असल्याचे नमूद केले.(Nashik-Trimbakeshwar Kumbh Mela)
कौशल्य विकास विभागाचा निर्णय; जागतिक युवा कौशल्य दिनी 'महाराष्ट्राचा स्किल फर्स्ट' पॅटर्न जाहीर मुंबई : आगामी सिंहस्थ कुंभमेळ्याच्या पार्श्वभूमीवर ...
कुंभमेळ्यासाठी १२०० कोटींचा निधी वितरित करण्यास मान्यता
तर नाशिकमध्ये होणाऱ्या आगामी नाशिक-त्र्यंबकेश्वर सिंहस्थ कुंभमेळ्याच्या पार्श्वभूमीवर शहरात विकासकामे सुरु आहे. अशातच राज्य सरकारने कुंभमेळा प्राधिकरणाला( Nashik-Trimbakeshwar Kumbh Mela Authority ) १ हजार २०० कोटी रुपयांचा निधी वितरित करण्यास मान्यता दिली आहे. त्यामुळे आधी वेगात आणि उत्तम होण्यास मदत होणार आहे. नगरविकास विभागाने शुक्रवारी यासंदर्भातील शासन निर्णय जारी केला. हा निधी सिंहस्थ कुंभमेळ्याच्या आवश्यक कामासाठी वापरला जाणार आहे.
नुकत्याच पार पडलेल्या राज्य विधिमंडळाच्या पावसाळी अधिवेशनात पुरवणी मागण्या मंजूर करण्यात आल्या. या पुरवणी मागणीत सिंहस्थ कुंभमेळ्याच्या आवश्यक कामासाठी तीन हजार कोटी रुपयांची मागणी मंजूर झाली आहे. या मंजूर तरतुदीतील १२०० कोटी रुपये वितरित करण्यास वित्त विभागाने मान्यता दिली आहे. राज्य सरकारने यापूर्वी ऑक्टोबर २०२५ मध्ये २८३ कोटी, डिसेंबर २०२५ मध्ये ७१७ कोटी, फेब्रुवारी २०२६ मध्ये ५०१ कोटी तर मे २०२६ मध्ये ३९६ कोटी असा एकूण १ हजार ८९७ कोटी रुपयांचा निधी कुंभमेळा प्राधिकरणाला दिला आहे.
