मुंबई : भारतीय चित्रपटसृष्टीतील प्रतिष्ठेचे मानले जाणारे 72वे राष्ट्रीय चित्रपट पुरस्कार जाहीर झाले असून यंदाच्या पुरस्कारांमध्ये मराठी चित्रपटसृष्टीने पुन्हा एकदा आपली वेगळी छाप सोडली आहे. फीचर आणि नॉन-फीचर या दोन्ही विभागांत मराठी चित्रपट, कलाकार आणि तंत्रज्ञांनी विविध पुरस्कार पटकावत उल्लेखनीय यश मिळवले आहे. (National Film Awards)
दिग्दर्शक परेश मोकाशी यांच्या 'मुक्काम पोस्ट बोंबिलवाडी' (Mukkam Post Bombilwadi) या चित्रपटाची सर्वोत्कृष्ट मराठी चित्रपट म्हणून निवड करण्यात आली. ग्रामीण महाराष्ट्राच्या पार्श्वभूमीवर उलगडणारी कथा आणि त्याची प्रभावी मांडणी यामुळे या चित्रपटाला राष्ट्रीय स्तरावर गौरव मिळाला. (Marathi Movie)
संगीत क्षेत्रातही मराठीचा गौरव झाला. 'घरत गणपती' चित्रपटातील 'नवसाची गौरी माझी' या गाण्यासाठी अभय जोधपूरकर यांना सर्वोत्कृष्ट पार्श्वगायकाचा राष्ट्रीय पुरस्कार मिळाला. तसेच 'स्वरगंधर्व सुधीर फडके' या चरित्रपटासाठी योगेश देशपांडे यांना सर्वोत्कृष्ट रुपांतरित पटकथेचा पुरस्कार जाहीर करण्यात आला. (72nd National Film Awards)
राजस्थान : राजस्थानात चित्तोडगड जिल्ह्यातील मेवाडचे प्रसिद्ध श्री सावळिया सेठ मंदिरात जयपूर येथील एका भाविक कुटुंबाने भगवान सावळिया सेठ या नावाने ...
यंदा सर्वोत्कृष्ट फीचर फिल्मचा पुरस्कार 'आर्टिकल 370' या चित्रपटाला मिळाला. या चित्रपटातील अभिनयासाठी यामी गौतम यांची सर्वोत्कृष्ट अभिनेत्री म्हणून निवड झाली. तर 'चंदू चॅम्पियन'साठी कार्तिक आर्यन आणि 'ब्रॅमायुगम'साठी ममुट्टी यांना संयुक्तपणे सर्वोत्कृष्ट अभिनेत्याचा पुरस्कार जाहीर करण्यात आला. (Article 370)
हिंदी विभागात 'श्रीकांत' (Shrikant) या चित्रपटाला सर्वोत्कृष्ट हिंदी चित्रपटाचा पुरस्कार मिळाला. 'भक्षक'मधील भूमिकेसाठी संजय मिश्रा यांना सर्वोत्कृष्ट सहाय्यक अभिनेता म्हणून गौरवण्यात आले. रणदीप हुड्डा (Randeep Hunda) यांना 'स्वातंत्र्यवीर सावरकर' चित्रपटासाठी सर्वोत्कृष्ट पदार्पण करणारा दिग्दर्शक हा पुरस्कार मिळाला.
नवी दिल्ली : शिवीगाळ आणि अश्लीलतेबाबत सर्वोच्च न्यायालयाने (Supreme Court) महत्त्वपूर्ण निरीक्षण नोंदवत मोठा निर्णय दिला आहे. 'Motherfker'** आणि 'Son of a Whe'** यांसारखे ...
नॉन-फीचर विभागातही मराठी चित्रपटांनी आपली छाप कायम ठेवली. 'भंगार (Obsolete)' या चित्रपटाला सर्वोत्कृष्ट नॉन-फीचर फिल्मचा सन्मान मिळाला. 'हमसफर'ला सर्वोत्कृष्ट लघुपटाचा पुरस्कार जाहीर झाला. तसेच 'परत 41° च्या मागावर' या माहितीपटासाठी शिवपाल सिंग कांग यांना सर्वोत्कृष्ट संगीत दिग्दर्शनाचा पुरस्कार मिळाला.(Entertainment News)
यंदाच्या राष्ट्रीय चित्रपट पुरस्कारांमध्ये मिळालेल्या या यशामुळे मराठी चित्रपटसृष्टीतील दर्जेदार कथा, सक्षम कलाकार आणि उत्कृष्ट तांत्रिक कामगिरीला पुन्हा एकदा राष्ट्रीय स्तरावर मान्यता मिळाल्याचे स्पष्ट झाले आहे. (National Film Awards)
